Angizelanga isikhundla kwi-ANC: Supra
ANGISHO LUTHO NGESANDLA SESITHATHU KOLUKABABES: DJ TIRA
Nhlanhla Kubheka Hlambisa: Ukushona ezintangeni akusoze kwakwenza umuntu omuhle. Kukhona vele abangawavumi amaphutha abo kodwa bafune ozogxekwa. Yima Mampintsha uxolise enganeni nasesizweni ngezenzo zakho, iqhubeke impilo. Le ndaba yokucasha ngesithupha ayifani nawe, okunye kozivelela ukuthi kubhebhezelwa ubani.
Andile Zakeleni: Ngithule ngiyabuka nami bengivele ngisisola isandla sesithathu, ngathi siyaziveza-ke manje.
Cehlangokhalo Thekwane Hlubi: Hhaibo ngeke, kungabe sikhona ngempela esesithathu? Le ntombazane ayimbophanga ngani uma kuwukuthi kuyiqiniso ukuthi ibishaywa? Le nto ngiyizwe kahle kwiZwi LoMzansi FM izolo (ngoLwesibili), kona kukhona okushaya amanzi kungenhlanzi. UTHUMBE IZINGANE ZOMNGANI EFUNA U-R2 million
Zungu Buhle EMandeni: Abantu sebephenduke amabhubesi sekusele ukuba basipheke basidle makunje.
Abafuni ukosebenza sebefuna ukusithumba kanje kubi ezweni.
Bhambatha Ka Mancinza: mngani leyo.
Phelelani Nxumalo: Eyi uyadlala lo ubuka kakhulu amafilimu aphesheya. Engabe inhloboni yo AKUCACI NGEKA-MASILELA KWI-CHEIFS
Sifiso Gumede: noChirambandare.
Jama KaS’jadu: UMasilela noParker abasadingeki kwiChiefs.
Sakhile Mnyandu: Abafune umsebenzi kuMaZulu. Akahambe noPaker
UNOBHALA jikelele we-ANC, uMnuz Ace Magashule, usecacise ngenkulumo ayethula emgubheni weJanuwari 8, owawuseMgungundlovu lapho athi ubuholi obukhona buneminyaka emihlanu kuphela bukhona bese kukhethwa obusha.
UMagashule wagxekwa ngale nkulumo esolwa njengomuntu ofuna ukuhlukanisa inhlangano phakathi ngoba kwawina uMnuz Cyril Ramaphosa ekubeni kwakwaziwa ukuthi wayeseka uDkt Nkosazana Dlamini Zuma ekuholeni i-ANC engqungqutheleni eyayiseNasrec, eGoli, ngoDisemba.
“Abezindaba abahlanekezela inkulumo yami, mina ngathi abangeneme kumele balinde iminyaka emihlanu bese bekhetha ubuholi obuzohambisana nabo. Ngangisho ngoba ukhetho lobuholi kwi-ANC luzoba ngemuva kweminyaka emihlanu,” kusho uMagashule.
Kulo mgubho uMagashule wathi kusele iminyaka emine kuphela kubuye i-ANC abayaziyo. Lokho kwathathwa ngokuthi wayengeneme ngobuholi obukhona.
Ukusho lokhu izolo ephendula imibuzo yabezindaba kulandela ukusula kobenguNdunankulu waseNorth West uMnuz Supra Mahumapelo.
UMahumapelo usule izolo wathi uthatha umhlalaphansi kodwa wangafuna ukucacisa ukuthi uyasula kwaze kwasho uMagashule ukuthi uyasula.
IPhini likaNobhala jikelele, uNksz Jessie Duarte, litshele abezindaba ukuthi amagatsha akhetha ngendlela akhetha ngayo wathi indaba yezinhlangothi yasala eNasrec. “Kumele iphele ekaCR 17 nekaNDZ 17. Amagatsha enhlangano akhethe ubuholi obufaka wonke umuntu. Siyasebenzisana inhlangano iya phambili yingakho nginxusa nakulabo abasaqhubeka ezinkundleni zokuxhumana ukuthi bakuyeke lokhu,” kusho uNksz Duarte.
Uthe baya engqungqutheleni beseka abantu abahlukene kodwa ngemuva kokuba ingqungquthela ikhethe ukuthi umengameli kube nguRamaphosa basebenza bonke ukuthuthukisa impilo yabantu.
UMahumapelo ubonge ithuba alinikwe yi-ANC wathi akabheke sikhundla.
“Angibhekile ukuthi i-ANC inginxephezele ngesikhundla. Ngisule ngoba ngihlonipha inhlangano esijuba ezikhundleni. Angifikelanga isikhundla enhlanganweni.”
UMagashule uncome uMahumapelo wathi ukusula kwakhe kuzokwenza kube nobumbano.
UNksz Duarte uthe ziyaqhubeka izinhlelo zokuphuca iNorth West amandla kanti uMahumapelo uzoqhubeka nokuba uSihlalo we-ANC kulesi sifundazwe.