Uphazamise iziguli umbango womzila
ZISALE dengwane iziguli zaseRK Khan emuva kokuba osomatekisi baseKlaarwater/ Santi bevale umgwaqo ongenela esibhedlela ngenxa yombango womzila oqhubekayo.
Abagulayo abebeze esibhedlela kuphoqeleke ukuthi balubhade ngezinyawo besuka esibhedlela beya eKlaarwater nezindawo eziseduzane ngemuva kokuthi amatekisi evale umgwaqo ongenela esibhedlela.
Umbango uphakathi kukasoseshini waseKlaarwater/ Santi nowase-Chatsworth, ababanga umzila osuka eKlaarwater uya esibhedlela.
Ngokuthola kweSolezwe ososeshini bebenesivumelwano sokusebenzisana kulo mzila cishe iminyaka engu-20 edlule yize kungekho onemvume yomzila.
Umbango usuke ezinyangeni ezimbili usoseshini waseChatsworth usuvala abaseKlaarwater/Santi ukuba bangene endaweni yabo.
Amatekisi kasoseshini waseKlaarwater/Santi abalelwa ku-60 avale umgwaqo uRK Khan Circle (Chatsworth Circle), umphakathi ogibela amatekisi wangakwazi ukufika esibhedlela, abanye abebefike ngama-ambhulensi bangakwazi ukubuyela emakhaya.
Okhulumela amaphoyisa KwaZulu-Natal, uColonel Thembeka Mbele uthe kuboshwe osomatekisi abangu-40.
“Kube nokudubula ngaphandle kwesibhedlela iRK Khan ngabo8 ekuseni namhlanje (izolo). Izinsolo zithi kunombango phakathi kososeshini ababili, lokhu kuholele ekudubulekeni komunye usomatekisi emlenzeni omunye washaywa. Bobabili baphuthunyiswe esibhedlela. Amatekisi angu-60 abe esema emgwaqweni. Kusetshenziswe izinhlamvu zenjoloba ukuhlakaza isixuku. Amaphoyisa abophe ababili abaneminyaka engu23 no-42 ngecala lokuzama ukubulala,” kusho uColonel Mbele.
Uthe abanye osomatekisi abangu-40 baboshelwe udlame emphakathini. Abasolwa bazoze bavele ngesonto elizayo enkantolo. Isimo siqashwe ngamaphoyisa kule ndawo.
Isolezwe ngesikhathi lifika kule ndawo izolo amatekisi abesagcwele umgwaqo ohamba ngasesibhedlela, iziguli bezikhala izinyembezi ngokuhlukumezeka kwazo.UMnuz Sbusiso Mfeka osesigungwini sekomiti kusoseshini waseKlaarwater/ Santi uthe okubaxakayo ukumiswa kwabo ekubeni udaba lombango womzila lusenkantolo.
“Abantu asebehlukumezeka iziguli, ngoLwesibili nangoLwesithathu umphakathi esiwuthuthayo ububhikisha ukhala ngokuthi asisawufaki esibhedlela njengoba bese siwehlisa kuthelawayeka. Manje sibonile ukuthi kumele size lapha erenki ngoba umphakathi uyasidinga,” kusho uMfeka.
Kuthintwa uMnuz Mathula Mkhize ongusihlalo waseThekwini kwi-Santaco uthe bayawazi umbango womzila futhi benza konke okusemandleni ukuxazulula isimo.
“Kusiphatha kabi ukuthi kukho konke lokhu abagibeli abayiziguli asebehlukumezeka. Okuvelile wukuthi ososeshini bobabili bebesebenzisana ngokuvumelana. Usoseshini waseKlaarwater/Santi ube usufaka isicelo sokusebenzisa lo mzila ngokusemthethweni wayithola imvume kulo nyaka. Usoseshini waseChatsworth awukuthandanga lokho, nabo bafaka isicelo enkantolo benqanda lo soseshini ukuba ungangeni eChatsworth, isicelo saphumelela. Siyanqundeka ukuba singenelele uma sekungenelele inkantolo,” kusho uMkhize. Amadoda awakhulule abesifazane nabo benze abakuthandayo uma kuyiwa ocansini, ofuna ukugibela ngaphezulu akwenze lokho ngaphandle kokuthi indoda inyuse ibunzi. Thola kabanzi ngalesi sihloko kusasa. Ubhekana kanjani nenkinga yesoka elinobuntu obuncane futhi obungakwenelisi. Thola izimpendulo kule nkinga abesifazane abathi ibakhungethe Ukudla okuthile kuyazenzela ikhehla nesalukazi sako. Thola kabanzi uhlu lokudla okuyingozi emzimbeni wakho nokungamele uhlale ukudla. Zibuyile izitayela zekhanda zakudala. Izindawo ongazivakashela kulobu busika. Uzoshukumisa umlingisi oke wanyamalala emdlalweni oyintandokazi kuthelevishini kodwa osebuya. Okusha ngoNasty C oseqopha kwenye inkampani. 1.Ungaphuthelwa ezingxube ezimayelana nokwenzeka kwiPremiership. 2. Ezimqoka ezithinta ukhetho lweSafa. 3. Ezithinta iNFD Promotion play offs nezeDiamond League 4. IDiski yomhlaba – Champions League Final.