Bazigqaja ngobuntofontofo kwiLS
IMOTO: LEXUS LS 500
BAZISHAYA isifuba kwaLexus ngokuthi imoto yabo iLS 500 Sedan idle ngobukhulu, intofontofo, iphephile, inamandla futhi iyabambelela emgwaqeni.
I-LS ngeyesizukulwane sesihlanu ishaya ngenjini engu3.5 litre twin turbochargen V6. Ifuqa amandla angu-310 kW ne-torque engu-600 Nm. Ishaya nge-10 speed automatic transmission, okuwu-gearbox oqale ukubonakala kwiLC coupe yakwabo. Endala ibinenjini eyi-V8. Bathi ukusuka ku-0 iye ku-100km/h kuyithatha imizuzwane engu-5. Ijubane layo elikhulu limiswe ku-250 km/h. Le nkampani ithi ngebanga lika-100 isebenzisa amalitha kaphethroli angu-9.5.
Umshayeli uyazikhethela ukuthi ufuna ihambe kanjani ngokuyifaka ku-normal kuya ku-sport.
Njengoba ngikuvezile ukuthi bazishaya isifuba ngokuthi infotonfoto futhi iyabambelela, yingoba ine-multilink system. Kukhona ne-air suspension.
Le moto bathi ishaya ngezihlalo ezintsha ngaphambili nangemuva ezinezindlela ezintsha zokuwotawota abagibeli ngaphakathi.
Ubuchwepheshe enabo buhlanganisa i-multi-media screen esingu-12.3 inhc, headup display, ngemuva idlala amaDVD futhi ngasemsindweni ishaya ngeMark Levinson 23-speaker QLI Reference Surround sound audio system.
Ngemuva futhi kukhona i-multi-function touchscreen osisebenzisela ukuhlela izihlalo, umsindo, isimo sokushisa noma ukubanda kanjalo nendlela ekhanya ngayo ngaphakathi.
Ezinye izinto enazo kubalwa i-Active Cruise Control, Lane Keep Assist & Lane Departure Warning neLane Departure Alert.
Ngaphandle yinhle njengoba ishaya ngamasondo angu-20 inch run flat tyres, ine-glass sunroof futhi inemibala engu-11 egqamile abantu abangakhetha kuyo.
Kwezokuphepha ifika namalambu akhanyisa kube ngathi yisemini, amaairbag omshayeli, umgibeli, awaseceleni, emadolweni namacurtain airbags. Inani
Lexus LS 500 400
Ifika ne warranty neFull Maintenance Plan yeminyaka eyisikhombisa noma u-105 000km. Kume iye kwisevisi njalo ngemuva kuka-15 000km noma kanye ngonyaka. R2 141