UTinkler umataniswa nePlatinum Stars

ziqinisekiswe ngumdlali wasemuva uClayton Daniels. Lo mqeqeshi ucashunwe ekuqaleni kwenyanga ethi usafuna ukuhlaba ikhefu izinyanga ezimbalwa ukuze akhe ubudlelwano nezingane zakhe. Isolezwe lihoshe ngomthombo osondelene noTinkler ukuthi makhulu amathuba okuthi apheke iDikwena ngesizini ezayo. Uma egcine kuyoba uzovala isikhala sikaRoger De Sa asebenze naye kwiBidvest Wits nakwi-Orlando Pirates. “U-Eric uya kwiPlatinum Stars uma kuqedwa ama-Play Off. ICape Town City ike yamthinta ngoba ibona ukuthi kukhona ukushayisana phakathi kukaBenni (McCarthy) nabathize asebenza nabo. Kodwa ibuye yayeka. IPlatinum ibihlose ukuthi u-Eric athathe isikhundla sokuqeqesha bese uRoger (De Sa) athathe esinye isikhundla kwazise ungomunye wabaphathi beqembu,” kusho umthombo. Kuvele ukuthi akhona amaqembu abekade emfuna uTinkler okubalwa kuwona awasenhla nezwekazi i-Afrika kodwa akayingeni indaba yawo. Ngaphandle kukaTinkler, bakhona nabanye abaqeqeshi abangenawo amaqembu okukhona kubona uKgoloko Thobejane okhonjwe indlela yiBaroka maphakathi nesizini, Ephraim “Shakes” Mashaba ongakaze alithole itoho kusukela exoshwe kwiBafana Bafana noTebogo Moloi okuvela ukuthi angase ayosebenza noDoctor Khumalo kwiBaroka. UDan Malesela uphindele kwiChippa United. IStars inikezwe ithuba lokubuyela kwiPremiership ikade isigawulwe yizembe. Kwalasha kungene i-Ajax Cape Town esagqigqa enkantolo ngenhloso yokuphikisa isinqumo seSouth African Football Association (Safa) sokuyiphuca amaphuzu emuva kokulahlwa yicala lokudlalisa uTendai Ndoro kungafanele.