I-SAA ingene shi ezikweletini
IZINSOLO EZISHAQISAYO NGOMYENI KANGQONGQOSHE
Phumlani Mthethwa: Engabe labantu bayazi yini ukuthi kunabantu abahluphekayo. Bayazi yini ukuthi emakhaya sinezimfuno njengoba imali beyidlala njengebhola. Lo mama ngizwile nayizolo eqhosha ngeziqu zakhe. Kusho ukuthi yizo lezi ezenza ukuthi bexhaphaze abantu.
Mboniseni Rsa Shabalala: Umama ngimuzwe ebika imbiba nebuzi nje ngesikhathi uZwakele Mncwango ebuza ukuthi yikuphi abakwenzile kusukela bebikeliwe ngethenda enomkhonyovu ebandakanya umyeni wakhe. KUZOGUGA IPHAKETHE KUNYUKA UPHETHROLI FUTHI
S’bonelo Nxumalo: Kuqale kwanyuka intela yokudla manje sekunyuka imali yokugibela kodwa imisebenzi ayikho futhi amaholo wona awenyuki, ibhekephi iS.A?
Nontokozo Masinga: Uyazi mina angisanendaba nje nokunyuka kwawo nokwehla angeke wehle ngokukhala kwethu. Babethi uZuma onyusa uphethroli, ubani-ke manje? ISIMNXENXA NGEMALI ETHE XAXA UBILLIAT, ISUNDOWNS
Sikhumbuzo Uskhu Sithole: UPitso uyigwala usaba ukuthi uzovela obala ukuthi uyazifanela nabanye abaqeqeshi.
Bandile Mdlovu: Ave inomona le Sundowns yakhona. Akenisho, ayimnxenxi ngani uPercy?
IPHINI likaNgqongqoshe wezeziMali, uMnuz Mondli Gungubele lithi iSouth African Airways (SAA) icwile ezikweletini futhi ngeke ikwazi ukwenza imali eminyakeni emithathu ezayo.
UGungubele usho lokhu emuva kokuthi isikhulu esiphezulu sakwaSAA, uMnuz Vuyani Jarana siveze ukuthi banezinhlelo zokuhlenga le nkampani.
UJarana uvumile ukuthi badinga enye imali ukuze babhekane nezindleko zabo kuze kube wu-2021.
Uthe iSAA ilahlekelwe nguR20 billion eminyakeni eyisithupha.
“Sikhathazekile ngeSAA ngoba ngisho ngo-2021 ngeke ikwazi ukungenisa imali. Kuyimanje isikhokhelwe uR15 billion kodwa sithole ukuthi isisele noR5 billion,” kusho uGungubele.
UJarana uthe iSAA idinga uR21 billion ukuze ikwazi ukwenza imali eminyakeni emithathu ezayo.
UGungubele uthe nabo bewuhulumeni bazama ezinye izindlela zokusiza izinkampani zikahulumeni ukuze zenze imali zingalokhu zilinde ukutakulwa wuhulumeni.
Uhulumeni ugxekiwe ngamaqembu aphikisayo ngokutakula izinkampani zakhe ngezigidigidi.
UJarana uthe bazimisele ngokulungisa isimo kwaSAA futhi bakhuluma namabhange ababoleke imali ukuwakhombisa ukuthi bazoguqula isimo.
“Uma sesithole imali yokushintsha isimo sizokwazi ukuqinisekisa ukuthi singenisa imali. Kunzima emkhakheni wezamabhanoyi,” kusho uJarana.
UGungubele uthe bazobheka ukuthi ngabe iSAA kufanele yini ibuyiselwe eMnyangweni wamaBhizinisi kaHulumeni noma ihlale ngaphansi kweso loMnyango wezeziMali ize ikwazi ukwenza imali.