Akungancengwa amavoti kubantu abaphula umthetho
MHLELI: Kwelakho eliwela umfula ugcwele , ngithi ake ngiphefumule yize kufana nokuthela amanzi emhlane wedada.
Indaba esegudwini ngeyakuKennedy Road eSpringfield. Basanda kushisa izimoto zomkhandlu eqoqa imfucuza neyakezamapaki.
Laba bantu bacekela phansi impahla ngoba umkhandlu ubhidlize izindlu ezingekho emthethweni. Akusikho yini ukwephula umthetho lokho?
Uma kuyikho yiziphi izinyathelo abathathelwa zona, abanjani ababoshwayo? Kahleni ukusihlekisa ngomhlaba nina baphathi bethu ngoba nakhu nincenge amavoti.
Siyasebenza thina, abantu bacekela phansi izinsizakusebenza ezikhokhelwa yithi bebe bengazi nokuthi isondo lale moto abayishisayo liyimalini. Mina isithanda ukungima emphinjeni le ndaba yenhlangano yami engiyithandayo. D A Nhlangulela