Imiphumela yahamba nezikhukhula
O’Brien Gcabashe ENANDA MHLELI: Ngicela ungidlulisele nalu usizi lunginamathele. Ngo-2016 bengifunda eDurban Computer College kusuka kuqala unyaka kuze kube phakathi nawo ngathola imiphumela kaJuni eyayikhomba ukuthi sengadlulela engxenyeni esele yonyaka.
Ngeshwa ngaba nezinkinga kwezezimali, ngacela isikole singivumele ngiqhubeke nezifundo ngizobakhokhela emuva kwezinyanga ezimbili nalapho baphetha ngokuthi bangixoshe.
Ngo-2017 ngaba matasa ngangakwazi ukubuyela esikoleni kanti ngo-10 Okthoba 2017 kuzofika izikhukhula zihambe nayo imiphumela kaJuni (2016) uma ngibuyela esikoleni kulo nyaka ngiyocela bangenzele ikhophi yemiphumela bangitshela ukuthi ngiyakweleta.
Okufike kungidide ngukuthi imiphumela mibili kodwa mina ngafunda ingxenye eyodwa yonyaka.
Ngicela ungixhumanise nomnyango ozokwazi ukungisiza ngithole imiphumela kaJuni ngoba ngeke ngikwazi ukuyithenga le miphumela yokuphela konyaka. Silindile Dlamini