Sixhashazwa nguPsira thina esingonogada
Nontombi Makhanya MHLELI: Ngithi angizwakalise ukukhathazeka kwethu njengonogada. Thina njengabahlali baseNingizimu Afrika siboshwa nguPsira uma singabhalisile ukuthi sifanele ukuba onogada kodwa sibona izinkampani zonogada eziningi ziqashe abokufika abangabhalisile. Ababoshwa futhi nezinkampani ezibaqashile aziboshwa.
Uma ungase uye emahhovisi akwaPsira eThekwini ungabona ukuthi olayini bangakanani abanye bazovuselela abanye bayaqala futhi iningi labo alisebenzi. Mina ngaboshwa nginawo amaphepha angigunyaza ukuba ngibe unogada.
Izinkampani zisiholela imali encane kodwa uPsira akenzi lutho ngalokho ngoba ziyagwaza ko- inspector. Sengizame kaningi ukuxhumana nehhovisi lakwaPsira kodwa angilutholi usizo okukhombisa khona ukuthi kumele sixhashazwe sikhokhele ubala. Ngaboshwa ngibe ngibhalisile kwaPsira manje senginerekhodi lobugebengu futhi angisebenzi ngenxa kaPsira osixhaphazayo.
Ngabe umsebenzi wabo wukuhlukumeza thina esibhalisile, esihola kancane esingenamali yokugwaza? Okhathazekile ENEWLANDS