AMAZULU AWALILAHLILE ITHEMBA NGE-TOP 8

AMAZULU asayilwa impi yokubuyela kwiTop 8 ye-Absa Premiership njengoba ngoLwesihlanu kulindeleke ukuthi eSouth Gauteng High Court kulalelwe isikhalo sawo.

Ngokuthola kukaPotshoza, AmaZulu awahambisani nesinqumo sikamehluleli weSafa, uWilliam Mokhari, sokuthi anikwe izimbangi amaphuzu aphucwa i-Ajax Cape Town ngokudlalisa uTendai Ndoro.

I-Ajax yalahlwa icala lokubophela lo mgadli kungafanele ngenxa yokusayina izinkontileka namaqembu amathathu ahlukene aphinde awadlalele wonke ngesizini eyodwa okuyinto engavunyiwe yiFifa okuyiyona elawula ibhola emhlabeni.

Ukuhlomula kwezimbangi amaphuzu athathwa kwi-Ajax, kwakhuphula iSuperSport United yahlala endaweni yesishiyagalombili kwathi Usuthu lwehlela kweyesishiyagalolunye.

Ngaphambi kokuthi kungene icala loSuthu, kusasa kulindeleke ukuthi kuhlale ele-Urban Warriors nayo elwa nesinqumo sikaMokhari

Okhulumela AmaZulu, uBrilliant Mkhathini, ukuqinisekisile ukuthi basayilwa impi.

“Sizolalela ukuthi liqhubeka kanjani icala le-Ajax kodwa elethu alincikile kakhulu kokuzokwenzeka kwelabo. Aseneme ngokuthi amanye amaqembu ahlonyuliswa ngamaphuzu,” kusho uMkhathini kafushane.

I-Ajax ifuna kushintshwe isinqumo sikaMokhari sokuyiphuca amaphuzu bese ibuyela endaweni ka-15 kwi-log ye-Absa Premiership lapho iqede khona.

Uma ingaliwina icala kungenzeka kuphazamiseke imiphumela yemidlalo yokuhlunga enqotshwe iBlack Leoaprds, ihlula iJomo Cosmos nePlatinum Stars okuyiyona egcine ithathe indawo ye-Ajax kule midlalo.

Leli qembu laseKapa