Bashaqiswe ukushona kwesilomo somsakazi

Isolezwe - - IZINDABA - FANELESIBONGE BENGU

AZIVUMI IZIBALO NGOMDLALO IMBEWU

Zama Zpee Mthethwa: Ingena sesihambile isikhathi Imbewu ngeshwa. Ayizame ukungena ngo-8.30 ebusuku lizonyuka izinga ngoba iqiniso ukuthi Uzalo luyabhora uma uqhathanise neMbewu kodwa lungena sisahleli.

Msizi Elvis Muthwa: Inkinga yayo isikhathi nohlobo-ke lwesiteshi edlala kuso. Mina nje iu-e.tv isiteshi engididekela kuso uma kungekho uhlelo olumnandi oludlala kulezi ezinye.

Syanda Nondaba: Kodwa bakithi ukukhuluma iqiniso nje luwumsangano Uzalo. Ngathi isikeshi phela leya nto, nabalingiswa abazisanganele nje. UZOQOSHWA KABUSHA UMDLALO NGE-LEMBE

Phili KamaShabalala Mtshali: Basisiza-ke bakhombise konke nalezi ziqephu ezakhishwa kulo mdala ezazikhombisa indlela abelungu abathatha ngayo umhlaba wethu nemfuyo okungenye asimdingi uShaka okhuluma isiNgisi nonsundu ngoba uShaka wayekhanya basisize

Phumlanie Three-Seconds Mtwane: Uzobona-ke la mathuba nizowanika abantu abanezimali zabo engabe ninika thina esingasebenzi. UZIMISELE NGOKUYILWELA INDAWO YAKHE KWI-CHIEFS

Robs Mfokazinja Ziyamkhonkotha Mthembu: Uyazimisela bo nakanjani uzoyithola kodwa le ndaba yokudlala njengomdlali ohlaselayo kwesonkunxele izophela ngoba kuzobakhona abangaphezu kwakho manje. Bongani Mageba: kunzima. Yilwa Mageba noma

USHAQEKILE umndeni nozakwabo bomsakazi weMbokodo FM, uMfundisi Simphiwe Mbeje, oshone ngoLwesibili ezintatha ekubeni bese bezitshela ukuthi uyalulama.

UMbeje (36), obengumfundisi eLife Renewal Family Church eMerebank, ushonele esibhedlela iKing Dinuzulu ngemuva kokungeniswa khona ephethwe yi-meningitis.

KwiMbokodo FM ubesakaza uhlelo Umkhumbi Wokuphila ngo-12 kuya ku-3 entathakusa phakathi nesonto.

Udadewabo kamufi, uNtando Mbeje, uthe ubephathwa yikhanda ngaphambi kokutholakala ukuthi une-meningitis.

“Besingalindele ukuthi uzoshona ngoba ubethi akubuhlungu ndawo. Ngesonto eledlule ubumbona ukuthi uyagula kodwa walulama futhi esedla. NgeSonto ukhale ngobunzima bokuphefumula, kwathi ngoMsombuluko, ngiyombheka, wakhala ngakho ubunzima bokuphefumula baze bamfaka umshini.

“Besithi uma enezinhlungu uzoya egunjini labagula kakhulu. Kusishaqisile ukudlula kwakhe,” kusho uNtando othe sikhulu isililo ngokudlula kwakhe emhlabeni.

Umphathi weMbokodo FM, uSandile Ngema, naye uhambe emazwini kaNtando wathi bathukile ngokushona kukaMbeje.

“Ubengaphathekile kahle, hhayi kodwa lokhu okubucayi. Sithuke sonke ngalokhu,” kusho uNgema.

Uthe isiteshi sabo ngeke siphinde sifane ngoba likhulu iqhaza abenalo.

“Ubethandaza, eshumayeza abantu futhi ebuyisa nethemba. Nasezinkonzweni zesiteshi uye obeshumayela. Ubewuthanda umsebenzi kaNkulunkulu ngoba ubehambela ngisho nasezikoleni. Ubekwenza lokhu ngokukhulu ukuzinikela,” kuqhuba uNgema.

UNtando uthe uMbeje ushiye emhlabeni unkosikazi wakhe uNokuthula, izingane ezimbili, abazali nodadewabo abathathu.

“Ubewumuntu onenkani ngokukholwa. Ubeshiya yonke into emphazamisa ekutheni ayoshumayela. Wakuqala eneminyaka eyisishiyagalolunye. Ubephiwe impela.”

UMbeje uzofihlwa ngoMgqibelo emathuneni aseClairwood ngemuva kwenkonzo ezoba seMgodini eLamontville ngo-9 ekuseni.

Inkonzo yesikhumbuzo izoba seCity Hall, eThekwini ngo-2 ntambama namhlanje.

THUMELA umbono ngalolu daba kuFacebook (Isolezwe), kuTwitter (@isolezwenews) noma umqhafazo ku-45773. I-sms ibiza R1,50.

Isithombe: FACEBOOK

SIKHULU isililo ngokudlula emhlabeni komsakazi weMbokodo FM, uMfundisi Simphiwe Mbeje, oshone entathakusa ngoLwesibili ngemuva kokugula THUMELA umbono ngalolu daba kuFacebook (Isolezwe), kuTwitter (@isolezwenews) noma umqhafazo ku-45773. I-sms ibiza R1,50.

Newspapers in Zulu

Newspapers from South Africa

© PressReader. All rights reserved.