Izinxephezelo kwabezimayini abaguliswa yi-silicosis
SEBEZOKWAZI ukufaka izicelo zesinxephezelo zokuguliswa yizintuli zasemayini ngohlelo lwe-online ababesebenza ezimayini kudala.
Izimayini zivume ukunxephezela abaguliswa yisifo esihlasela amaphaphu ngenxa yokuhogela izintuli zasezimayini i-silicosis ngoR5 billion.
Izolo abameli abahlukene akade befake isicelo sokuthi kunxeshezelwe abantu bathe sekunewebsite lapho abantu bengakwazi ukubhalisa khona iminingwane yabo.
Izinkampani zezimayini ezivume ukunxephezela abantu yi-African Rainbow Minerals, Anglo American SA, AngloGold Ashanti, Gold Fields, Harmony neSibanye-Stillwater.
Esitatimendeni abameli bakwaRichard Spoor Inc, abe-Abrahams Kiewitz Inc nabeLegal Resource Centre bathe imali yesinxephezelo kufanele iphasiswe yinkantolo enkulu yaseGauteng okungumsebenzi ozothatha izinyanga ezimbalwa.
Bathe uma inkantolo isisiphasisile kuzokwakhiwa isikhwama bese kuqala uhlelo lokunxephezela ababesebenza ezimayini.
“Ababesebenza ezimayini kufanele bagcwalise imininingwane yabo kwi-website esiyivulile.
“Sizofaka yonke imininingwane emisha abazoyidinga kwiwebsite nasekhasini likaFacebook.
“Abazonxeshezelwa yilabo ababesebenzela ezimayini ezibaliwe kuthi uma sebashona kunxeshezelwe imindeni yabo,” kusho abameli esitatimendeni.
Ababesebenza ezimayini bangashayela u-080 1000 240 ukuthola eminye imininingwane mayelana nohlelo lokufaka isinxephezelo. Abahlala kwamanye amazwe kodwa ababeqashwe ezimayini zakuleli kudala bangashayela u +27 801 000 240.
Bangangena kwiwebsite ethi www. SilicosisSettlement. co.za nakufacebook www.facebook.com/ silicosissettlement.