Kugqame intsha yaseKZN koweTV
IHAMBA yodwa intsha yaKwaZulu-Natal esanda kungena ekulingiseni lokhu kugqame izolo kwethulwa abaqokwe emcimbini wokuklomelisa abalingisi bemidlalo ehlukene kuleli amaSimon “Mabhunu” Sabela Film & TV Awards.
Lo mcimbi ohlelwa iKZN Film Commission, uzobanjelwa ePlayhouse, eThekwini, ngoJulayi 21, lapho kuzohlonishwa abantu bakuleli abasemikhakheni ehlukene kuthelevishini.
Okugqame kakhulu kulo mcimbi ukuthi umdlalo Uzalo, Isibaya, Isithembiso kuqokwe intsha eningi kuwona.
Uzalo ilona oluhamba phambili ngabantu abaqokiwe emikhakheni ehlukene njengoba kuqokwe abayisithupha kulo mdlalo.
Emdlalweni Isibaya neSithembiso bane kuphela abaqokwe emikhakheni ehlukene kuyona yomibili imidlalo.
UJackie Motsepe ongomunye wezikhulu ezihlela lo mcimbi, uthe njengoba sebewenza okwesithupha kulo nyaka, izinga lawo likhule kakhulu.
“Umkhakha ngamunye bekukhona amajaji amathathu akade eqoka abazongenela kulo nyaka.
“Kulo nyaka zingu-300 izicelo ezingenile okuyinto ebinkulu kakhulu njengoba lokhu kukhombisa ukuthi ithalente liyakhula,” kusho uJackie.
Uthe okubajabulisa kakhulu ukubona intsha eningi engenele eqhamuka KwaZuluNatal futhi esiwaqophile amafilimu ayo.
“Kukhona izindondo ezizonikezwa abantu abahlukene ababe neqhaza elikhulu kwithelevishini. Abaqokiwe kulo mkhakha bayovezwa ngosuku olukhulu lapho sobe sihlonipha igalelo labo,” kusho uJackie. Imikhakha imi kanje kulo mcimbi. Best Supporting Actress Film: Pearl Thusi (Kalushi) Mishqah Parthiephal (Keeping up with the Kandasamys). Best Newcomer Actor TV Sthembiso Khumalo (Judge Khambule) Zamani Mbatha (Isithembiso) Best Actor TV Zamani Mbatha (Isithembiso) Sdumo Mtshali (Isibaya) Masoja Msiza (Uzalo) Best Actress TV Leleti Khumalo (Uzalo) Baby Cele (Uzalo) Nomzamo Mbatha (Isibaya) Best Student Film Forever (Lindo Langa) Umsolwa (Minenhle Luthuli) Bars (Minenhle Luthuli)