I-Australia ethubeni lokudlulela phambili
ithole iphenathi yesibili kulo mqhudelwano kusebenza iVideo Assistant Referee (VAR).
Nasemdlalweni wokuqala eyagcina ihlulwe kuwo yiFrance ngo 2-1, uJedinak wayivalela phakathi iphenathi eyenza kube ngu 1-1 ngaphambi kokuthi uPaul Pogba ashayele iLes Bleus igoli lokuwina.
Emdlalweni wokugcina weqoqo iSocceroos izobhekana nePeru kuthi iDenmark idlale neFrance. Yomibili imidlalo ingoLwesibili ngo-4 ntambama.
Uma ezikaJedinak zinqoba bese iDenmark ishaywa zingazithola ziqopha umlando ngokungena okwesibili kwi-Last 16 yeNdebe yoMhlaba. Nakuyona iDenmark akukho mnyama ngoba kuzomele isebenzele amaphuzu amathathu uma isibhekene neFance noma idlale ngokulingana bese imincela ukuthi ivunwe wumphumela wezimbangi ezikuGroup C.
Njengoba iDenmark idlala eRussia, yayigcine ukubonakala ngo-2010 yaphuma kumaqoqo. Indawo engcono esike yayithola ama-quarterfinal eFrance ngo-1998.
I-Australia yaphuma kumaqoqo eBrazil ngo-2014 kodwa yayikade ifinyelele emaqenjini awu-16 ngo2006 eGermany.
AmaSocceroos abenawo amathuba amahle okuzibeka phambili emdlalweni kodwa adlala ngomsebenzi. Iqembu, eselidlala okwesine kwiNdebe yoMhlaba, alizange lizithele ngabandayo selilandela ngemuva. Ukuba iphela endlebeni yikhona okuzale iphenathi ngesikhathi ibhola lishayisa esandleni kuYussuf Yurary weDenmark.
UYurary ube wumgilwa we-VAR kanti emdlalweni wokuqala waba yiqhawe eshaya igoli ezakhe ezanqoba ngalo kwiPeru eyayiwuphethe umdlalo kodwa yageja iphenathi.
Imidlalo yeNdebe yoMhlaba kuSS3 namuhla: Brazil v Costa Rica (2pm); Nigeria v Iceland (5pm); Serbia v Switzerland (8pm)
Kusasa: Belgium v Tunisia (2pm); Korea Republic v Mexico (5pm); Germany v Sweeden (8pm)