Kuyasiza ukuba nencwadi yefa ukuvikela izifiso zakho
SITSHALA NONGUBENI WEZIMALI
UBUWAZI ukuthi usunayo incwadi yefa? Yebo kunjalo. Uhulumeni unomthetho asebenza phansi kwawo uma kwenzeka udlula emhlabeni ungenalo ifa ozihlelele lona, lo mthetho ubizwa nge-Intestate Succession Act.
Imvamisa lo mthetho awukwazi ukuphatha ifa lakho ngendlela efunwa nguwena mnikazi walo.
Ngokungabi nencwadi yefa kusho ukuthi unikeza umuntu ongakwazi ukuba aphathe umcebo wakho. Yingakho kusemqoka ukuba ube nohlelo elinayo yonke imniningwane ngokwezifiso zakho.
Siyazi ukuthi ukugula nokufa kuyinto ongafisi ukuyicabanga. Nokuthi ungano mcabango wokuthi ukwenza incwadi yefa kubiza imali eshisiwe noma usemncane kakhulu ukuba nayo noma awunamcebo odinga ukuhlelelwa ifa. Ngokuba nencwadi yefa ugwema ukudideka ngezifiso zakho nokuzovikela umndeni wakho uma ungasekho emhlabeni. IYINI INCWADI YEFA? Incwadi yefa iyakulungiselela uma kwenzeka ugula noma udlula emhlabeni, ukuthi umcebo wakho uwudlulisela kubani. Imininingwane eba sencwadini yefa imayelana nezimali, umshwalense, impesheni, umuzi, imoto, izimpahla nezikweletu. Incwadi yefa ingahlukaniseka izigaba ezimbili: NGAPHAMBI KOKUFA Isibonelo ngezinqumo ezimqoka okumele uzithathe ngalesi sikhathi kubalwa kuzo umyalelo mayelana nokuthi kumele iphathwe kanjani imali yakho uma ugula, ulimala noma uma sewukhule kakhulu ngeminyaka nokuthi ngubani omqokayo ukuba agcine leyo miyalelo. UMA SEWUDLULILE EMHLABENI
Isibonelo sezinqumo ezimqoka okumele uzithathe ngalesi sikhathi kubalwa kuzo:
Ukuqoka ozogada izingane zakho uma zisencane.
Umyalelo ngokuthi impahla yakhe kumele yabiwe kanjani kulabo abayizindlalifa zakho.
Imiqulu engukhiye encwadini yakho yefa
Incwadi yefa yokugcina kanye nesivumelwano: Incwadi yakho yefa iyona ebalula ukuthi ngubani ozohlomula kumcebo wakho.
Uma unezingane ezisencane ungenayo impahla ongayidlulisela komunye umuntu. Okwesibili, uma unazo izimpahla ongakwazi ukuzidlulisa ngaphandle kokudinga incwadi yefa, njengesikhwama sempesheni, indlu kanye nesikhwama sokulondoloza ngokuhlanganyela esidluliselwa kwizindlalifa zakho. I-TRUST
Wena njengomnikazi we-trust (okungolunye uhlelo lokulondoloza umcebo) uqoka umuntu ozobhekelela i-trust umnikeze igunya lokubhekelela impahla yakho ukuze kuhlomule izindlalifa zakho.
Ukuqoka umuntu ozobhekelela itrust kuyabiza uma kuqhathaniswa nencwadi yefa ngoba ukubhekelelwa komcebo wakho kuqhubeka yize usudlulile emhlabeni. Kusemqoka ukwazi ukuthi kunezinhlobo ezahlukene zama-trust kanti udinga umeluleki wezezimali oqeqeshiwe ukukusiza ukhethe ezohambisana nawe.
Ukuthatha isinyathelo esilandelayo
Indlela engcono yokuhlelela ifa kungukugxila kakhulu ekutheni yini ofisa yenzeke namuhla. Uhlelo olunozinzo lubalulekile ekuqinisekiseni ukuthi impahla yakho ivikelekile noma kungenzekani. Kusemqoka ukuthola umeluleki oqeqeshiwe ukuba akusize kulo mkhakha.