Isihlabani ebholeni simfuna ephesheya uPercy Tau
OMPETHA beNdebe yoMhlaba bango-1998, iFrance, ebidlala neDenmark, baqophe umlando omubi wokuba amaqembu okuqala kweyaseRussia (iNdebe yoMhlaba) ukudlala ngokulingana kuba ngu 0-0.
Umdlalo, obuseLuzhniki Stadium izolo, ugcine usubacasula nabalandeli, ikakhulukazi abeFrance njengoba iDenmark ibisimile ingadlali esiwombeni sesibili.
Yize kube yibohlololo ukuphela kukaGroup C kodwa iFrance neDenmark badlulele kwiLast 16.
Bekubonakala nokho ukuthi womabili la mazwe adlala nje avele aseyazi ukuthi yiwona azomela uGroup C ku-Last 16 ngoba nabadlali obaziyo ukuthi bafela enkundleni njengoN’golo Kante weFrance noChristian Eriksen weDenmark, bebengazithanqazi.
EzikaDidier Deschamps ziqale umqhudelwano ngewini emincisile nokho zinqoba ngo 1-0 kwiPeru, kwathi iDenmark yabambana ne-Australia ngo 1-1. Kuthe ukuba ngcono kweyesibili lapho ompetha bango-1998 benqobe ngo 2-1 kwi-Australia. Ngesikhathi esifanayo iDenmark inqobe kwiPeru ngo 1-0.
Awekho amathuba atheni abonakale emdlalweni ikakhulukazi esiwombeni sokuqala. Abadlali bebekhombisa izimpawu zokucabanga nge-Last 16.
Abadlali lapha bebebheke kakhuku ukungawatholi amakhadi baphinde bagade lapho befaka khona imilenze yabo ngoba ukulimala bekungasho ukungadlali kwiLast 16.
Nokuqala lo mdlalo kukaDeschamps ngaphandle kokaputeni uHugo Lloris, Paul Pogba noKillian Mbappe oshaye igoli benqoba owokuqala, kukhombise ngokusobala ukuthi ingqondo yomqeqeshi ibikuphi.
Komunye umdlalo waleli qoqo, lapho bekubhekene khona abese bevele sebepakishile, iPeru ivuke nge-Australia iyidabula ngo 2-0 emdlalweni obuseSochi. I-Australia iphoxile lapha ngoba ishaywa iPeru nje ibinalo ithuba lokudlulela kwiLast 16. Okujabulisile ngePeru wukuthi iwatholile amaphuzu ekugcineni yize ebengasasho lutho ngoba idlale ibhola elihle eRussia kodwa yaba nebhadi lokungayiwini imidlalo.
Umbiko ulotshwe ingakaqali ekaGroup D ezocacisa ukuthi iFrance neDenmark bazodlala nobani kwiCroatia, Argentina neNigeria kwi-Last 16. SIKHO isikhathi esidlula lesi, uPercy Tau kufanele ayodlala phesheya kwezilwandle ngoba usekwenze konke ebholeni lakuleli, yini entsha esalindeleke kuyena.’
Lawa ngamazwi kaDelron Buckley odlale iminyaka ewu-14 eGermany, walunguza naseGreece kwi-Anorthosis Famagusta phakathi kuka-2009 no-2010. Ngokusho kukaBuckley, ukuya kukaTau, odlalela iMamelodi Sundowns, phesheya kuzomsiza akhule ezingxenyeni ezithile ebholeni lakhe, kuphinde kusizakale neqembu lesizwe, iBafana Bafana.
“Lapha sikhuluma ngomdlali osezingeni eliphezulu kakhulu. Ungomunye wabadlali abayindlala ezwenikazi i-Afrika ngenxa yesiphiwo anaso esihlukile kubadlali abaningi,” kuchaza uBuckley odlale kwi-iVfL Bochum, Arminia Bielefeld, Borussia Dortmund neMainz 05 eGermany.
UTau ungundabamlonyeni kulezi zinsuku njengoba kuvela ukuthi kunamaqembu aphesheya kwezilwande amfunayo okubalwa kuwona neBrighton & Hove Albion yase-England. Kuvela ukuthi leli qembu libeke etafuleni imali engu-R44 million kodwa iSundowns iyayichitha le mali, ikhala ngokuthi incane.
Lokhu kuholele ekutheni uTau angilubhadi eRustenburg lapho amaBrazilians ezicijela khona isizini entsha.
Okhulumela iSundowns, uThulani Thuswa, utshele iMetro FM ngoMsombuluko ebusuku ukuthi akukho ngxabano ekhona phakathi kukaTau neqembu, ubabekele isizathu sakhe sokungafiki ekhempini. Leli qembu liphinde lakhipha isitatimende lichitha imibiko ethi livimbela umdlali ukuthi aye e-Europe.
Kwenzeka konke lokhu nje lesi sikhwishikhwishi, esidlala ngonyawo lwesokunxele, sesinqobe izicoco zonke ezisebholeni lakuleli, eseCAF Champions League neseSuper Cup, naBafana Ba Style.
“Ngesikhathi sihlungela ngempumelelo imidlalo yeNdebe yoMhlaba yango-1998, neka-2002, sasinabadlali abaningi ababegijima phesheya kwezilwandle. Ngo-2002 nje, uQuinton Fortune wayedlalela iManchester United, uBenni McCarthy wayedlala kwiFC Porto nabanye abaningi. Kungakho senza kahle eKorea naseJapan futhi sasinesikwati esihle. Ngakho ukuya kwakhe phesheya kuzomkhulisa njengomdlali, kuphinde kusize neqembu lesizwe. “Engingakusho kubadlali abadlala kwi-Absa Premiership ukuthi uma kuvela ithuba lokuyodlala phesheya kwezilwandle abalithathe balibambe ngezandla zombili ngoba akukho nokuncane okuzobalahlekela, kunalokho bazozuza,” kusho uBuckley oseziqalele inkulisa yakhe ayibiza ngeDelron Buckley Soccer School.
Nakuba iBrighton & Hove Albion kuthiwa kuseyiyona ephumele obala ngothando lwalesi sibabuli, uBuckley uthe ubefisa uTau adlale kwi-Italian Serie A ngoba ihambisana nebhola lakhe.
“Ubezongena athi khaxa kwiItalian Serie A. Ngikusho lokhu ngoba ibhola lakhona alisheshi kakhulu futhi abadlali bakhona bayathanda ukugcina ibhola, lokhu yena angakuthokozela kakhulu. Nakhona eGermany ngibona engadlala ngoba kucishe kufane nase-Italy, umehluko khona ukuthi kuyabanda njengoba onyakeni kuba yizinyanga ezintathu kuphela lapho ubona khona ilanga. Okusho ukuthi izinyanga eziyisishiyagalolunye zonke, usuke ubulawa ungqoqwane,” kuchaza uBuckley.