Alukalungi udaba lwabangaholile
bazoqala kahle ngo-Agasti 1. Wathi uhlelo luzodlala ngo-6 kuya ku-7 kwiMetro FM kodwa kwiRadio 2000 ludlale ngo-6 kuya ku-8.
UMarawa wayevutha engabaselwe kwiMetro FM ngonyaka odlule, uhlelo lwakhe ludidiyelwa nguBeverly.
Le ntokazi beyinconywa kakhulu ngokulubeka esicongweni. Umbuzo ongakaphenduleki ngothi uzombuyisa yini uMarawa.
Imizamo yokuthola uMarawa ayiphumelelanga. Ucingo lwakhe belukhalwa lungabanjwa.
BAZOBUYELA emsebenzini uma sebethole umholo wabo abasebenzi bomdlalo Uselwa okulindeleke ukuthi ukhonjiswe kuSABC 1 ngasekupheleni konyaka.
Ukuqoshwa komdlalo eShowe kuphazamiseke ngoMgqibelo ngesikhathi abalingisi bekhishwa ehhotela ngenxa yokuthi belingakhokheliwe futhi nabo bengaholile.
Umthombo ongaphakathi kulo mdlalo okhulume neSolezwe ngesivumelwano sokuthi ngeke udalulwe, uthe bathenjiswe ukukhokhelwa ngoLwesihlanu.
“Njengamanje kume yonke into futhi ngeke sibuyele emsebenzini kuze kuba wonke umuntu uyakhokhelwa. Kukhona abangakaze bathole lutho kusukela kwaqala. ISABC nenkampani esiphethe banomhlangano namhlanje (izolo) ukudingida lona lolu daba. Ebusuku sizobe sesazi ukuthi kuzokwenzakalani,” kusho umthombo.
Uthe bonke abasebenzi sebehambile eShowe.
Phakathi kwabalingisi okuthiwa bayingxenye yomdlalo kubalwa u-Andile Gumbi, Joanne Rayeneke, Simphiwe Ngema, Xolile Tshabalala, Siphesihle Vazi nabanye.
UVazi ufake i-video ekhasini lakhe le Instagram eveza ukuthi usebuyele ekuqopheni iSelimathunzi angumethuli wayo, ngemuva kwezinyanga ezimbili agcina.
Uselwa wumdlalo owuchungechunge okhuluma ngenkosi yeSizwe samaZulu, uShaka kaSenzangakhona.
Iningi, enkundleni yokuxhumana uTwitter, linxuse ukuthi uNgqongqoshe wamaSiko namaCiko kuzwelonke, uNathi Mthethwa, alubheke lolu daba.
Abebephawula bekukhona kubo uFerry Jele ongumlingisi kulo mdlalo.
Abanye abakhalazile, oFlorence Masebe noRosie Motene.
Okhulumela iSABC, uMnuz Kaizer Kganyago, uthe bazama ukuthola isisombululo ngalolu daba.
“Sizama ukuthola ukuthi izinkinga zidalwa yini bese sizama ukuthola isixazululo. Umhlangano ungaba mayelana nalokho ukuze abaqophayo bezobikela izikhulu,” kusho uKganyago.