Umdlalo weshashalazi ngonina weLembe
4 6
KULINDELEKE ukuthi uye naphesheya kwezilwandle umdlalo weshashalazi ongonina weLembe uShaka, uNandi.
Lo mdlalo, iNandi - The Musical, uzoqala ukukhonjiswa ePlayhouse eThekwini kusukela ngoLwesine kuze kube yiSonto, 9 11 18 41 1 SICELA niziqinisekise izinombolo eziwinile ezindaweni zeLotto ezisemthethweni. ISOLEZWE ngeke likuvumele ukuthathelwa izinyathelo zomthetho uma kwenzeke iphutha. kusukela ngo-7 ntambama.
Umqondisi wawo u-Edmund Mhlongo uveze ukuthi ngesikhathi enza ucwaningo ngeMadam President, okungumdlalo okhuluma ngabesifazane base-Afrika, igama likaNandi belilokhu livela.
“Yilapho ngabona khona ukuthi kuningi okumele kwaziwe ngempilo kaNandi. Ngithole ukuthi usohlwini lwezindlovukazi ezingu-10 zase-Afrika, abekwezingu-100 zase zasemhlabeni. Lokhu kwangihlaba umxhwele ngafuna ukwenza umdlalo weshashalazi ngaye,” kusho uMhlongo.
UMhlongo uthe uNandi wayengomunye wabesifazane owayekhulisa ingane yedwa, okuyinto ehlatshwa inhlali ngabantu baseNingizimu Afrika.
“Lapha sinondlovukazi wesizwe sakwaMhlongo owalaxazwa abantu ngenxa yokuthi wakhulelwa engashadile, waphinda walaxazwa yindoda eyayimkhulelisile kodwa akazange azilahle izingane zakhe, enye yazo okwakunguShaka.”
UShaka wayelokhu ayeyikho ngenxa yokukhuthazwa ngunina.“Ocwaningweni lwami eMelika ngithukile ngesikhathi ngithola ukuthi abazali abaningi baqambe izingane zabo ngoNandi. Uma ngibabuza ukuthi bayamazi yini uNandi, bebengitshela ukuthi ubeyindlovukazi ehlonishwayo ebikhulisa izingane zayo ingekho indoda. Abantu baseMelika bazi okuningi ngoNandi ukwedlula abakuleli.”
UMhlongo uveze ukuthi ukuhlanganisa abadlali balo mdlalo kuqale ngoJanuwari ngenhloso yokuvundulula abalingisi abasha abanekhono.
Kuzoba khona noGcina Mhlophe ozobe exoxa indaba.
Amathikithi okuyobuka lo mdlalo ayatholakala eComputicket ngoR100.