Kwethulwe iToyota Rush eyiSUV

BANDISE umndeni wabo wamaSport Utility Vehicle kwaToyota ngokwethula entsha abayibiza ngeRush.

Sekuyinto eyaziwayo ukuthi amaSUV asephenduke intandokazi kuzona zonke izinkalo emhlabeni ngenxa yokuthi ukwazi ukuwasebenzisela izinto eziningi, aphakeme futhi anesikhala esanele.

IRush isesigabeni samaSUV amancane nokuyenza ibe “yingane” kwiFortunter, okuyiSUV enkulu yakwaToyota.

Ukuphakama kwayo kungu-220mm kanti ishaya nge-approach angle engu-21 degrees bese kuthi i-departure angle ibe ngu-26.5 degrees. Lokhu kuyenza ingabi nenkinga ukunyathela ngamasondo ayo angu-17 inch noma yikuphi. Nesipele naso siwusayizi ofanayo. Indlela ebukeka ngayo Uma sibheka indlela ebukeka ngayo ngaphambili ikhanyisa ngamaLED headlamps futhi inetrapezoidal grille enkulu. Ngezansi i-nama fog lamps bese iba ne-skid plate esasiliva.

Uma uyibuka ngesayidi yilapho ubona ukuphakama kwayo khona kanjalo nobude bayo.

Ngezansi ishaya ngekhava emnyama esuka ngaphambili ize iyophuma ngemuva.

Ngemuva inamaLED lamps. Imibala yayo mihlanu abathengi abangakhetha kuyo okungoTusk White, Quicksilver, Ruby Metallic, Liquid Bronze Metallic noGraphite Black. Ingaphakathi layo Ngaphakathi bayakhe kahle kwi-dashboard ngenxa yokuthi alukho uxhaxha lwamabhathini. Kukhona i- touchscreen audio system okwazi ukuxhuma iBluetooth, USB ne-Android Auto Plus Show noma i-Apple CarPlay.

I-screen siphinde siveze inkombandlela kanjalo nengemuva uma uhlehla njengoba inekhamera.

Ngezansi kwe-screen kukhona izinkinobho zokulawula amazinga okushisa.

Isiteringi siyi-3-spoke futhi ngesesikhumba. Sinjalo nje sinamabhathini okulawula umsakazo nokubamba ucingo.

I-instrument cluster iveza imininingwane ebalulekile edingwa wumshayeli.

IQHUTSHWA EKHASINI 4