Iyaheha iToyota Rush entsha sha

Isolezwe - - EZEZIMOTO -

Iphinde ibe nezindawo eziningi zokufaka izinkomishi njengaphambili lapho kungena khona izigubhu ezimbili nasezicabheni.

Ngemuva abantu bayakwazi ukuxhuma ishaja njengoba kunembobo kagesi engu-12 volt kodwa bekungaba ngcono ukuba bafake imbobo ye-USB.

Imoto ilayisha abagibeli abayisihlanu futhi isikhala sebuthi sikhulu njengoba singu-609 litres.

Ezinye izinto enazo zihlanganisa ama-roof rails, amalambu azikhanyelayo uma kumnyama, izibuko ezigoqekayo, Park Distance Control, idunyiswa ngebhathini futhi ine-keyless entry. Izinjini namandla

IToyota Rush entsha ihamba ngenjini engu-1.5 litre four-cylinder DOHC engine. Le njini ikhiqiza amandla angu-77 kW ne-torque engu-136 Nm

Abathengi bakhetha phakathi kwenamagiya ayisihlanu ashintshwayo noma ezishintshayo enamagiya amane.

KwaToyota bathi eshintshwayo idla amalitha angu-6.6 kaphethroli ngebanga lika-100km kuthi ezishintshayo iphuze angu-6.7 ngebanga elifanayo. Idonsa ngamasondo angemuva. Bathi u-suspension wayo ngemuva unamaMcPherson struts ngaphambili kuthi ngemuva kube yiMultilink.

Lokhu kuyenza ihambe kamnandi emgwaqweni nasobhuqwini. Ezokuphepha Kwezokuphepha ifika neVehicle Stability Control, Anti-lock Braking System (ABS) neHill Assist Control.

Iphinde ibe nama-airbags ayisithupha ahlanganisa eyomshayeli nomgibeli, awasemaceleni nama-curtain airbags.

Kukhona ne-alarm futhi iyazikhiya izicabha. Amanani Rush 1.5 MT - R299 900 Rush 1.5 AT - R 313 500

Ifika ne-service plan ka-90 000km noma amasevisi ayisithupha ne-warranty yeminyaka emithathu noma u-100 000km.

Kumele iye kwisevisi ngemuva kokuhamba u-15 000km. ISUKA EKHASINI 3

Newspapers in Zulu

Newspapers from South Africa

© PressReader. All rights reserved.