Kuzokwanda izidumbu ngohlelo lwabajolayo
MHLELI: Ngithi ake ngiphawule ngohlelo oluzoqala maduze olulandela omaqondana abanamashende. Njengoba la eNingizimu Afrika kubulawanwa nje kuzoba njani lapho umuntu esetholile ukuthi umuntu wakhe uyamjolela?
Abantu esiphila nabo abakafundiseki ikakhulukazi abesilisa ukuthi umuntu wesifazane naye ufanele ukuphila ngokukhululeka nangokungesabi. Ngibona sizokwanda isibalo sabazobulawa ngenxa yokujolelana. Sikhona kumanje esaphesheya isiteshi esikhombisa abajolelanayo (cheaters) sihlale sibona sekushayanwa kube njeyaya. La eMzansi njengoba sesisabana sodwa, sihlukumezana, sibulalana ikakhulukazi abesifazane nezingane kuzoba njani emuva kohlelo. Ungabuye uhlale kanjani nomuntu usumbambile ukuthi unemikhuba ayenza esithe. Kungathi kusazokuba nzima.
Thina la kwaZulu sazi ukuthi intombi ayidlulwa. Sekufanele kuphele manje loko? Naku phela sekuzoba namakhamera akulandela ungazi. Wena uyobona usubhadanywa nje.
Kusazoqhuma amadivosi nxazonke. Miningi imizi eseyachitheka ngenxa yemijolo nokungathembani. Ave kubuhlungu ukuhlala nomuntu ongasamethembi. Kukhona abantu abangaliwa, bancamela ukuthi kuphume isidumbu. Bonginkosi Grey Phungula