Sinenkinga ngekhansela elingazilaleli izikhalo zethu
MHLELI: Sinenkinga kumasipala wethu uMlalazi oholwa uMnuz uSithole ku-ward 6. Thina sakhe eSigubudu sinezikhalo ngomholi wethu.
Akasenzeli lutho sesikhulume kwaze kwatsheka imilomo kodwa akezwa. Sicela umgwaqo ongeke uthathe ngisho usuku ukuwakha ngendlela omfishane ngayo. Sidinga nogesi kodwa lutho nawo bathi asikho emephini. Wafika futhi u-phase 2 wokufakwa kukagesi bazifaka izigxobo umuzi nomuzi kwaphela isonto bazilanda bathi asikho emephini ka-phase 2 wokufakwa kwagesi. Kanti ubani lo owenza le mephu? Uma kuwumuntu akasasifaki ngani pho thina?
Kuyakhanya kweminye imizi ngakithi kodwa kunemizi engu-12 engenagesi eyakhe eSigubudu. Akasho uSithole ukuthi senzeni kanti thina? Siyacela uNgqongqoshe uNomusa Dube-Ncube wezokuBusa ngokuBambisana angenele safa wukuhlupheka. Okhathazekile ESHOWE