Untwentwesana iG-spot luguqula ucansi lwakho
NAMHLANJE sizokhuluma ngocansi, sisondele ngqo emapalini awuntwentwesana olwakhele ophahleni lomgudu wesifazane budebuduze namangeno awo. Lolu ntwentwesana engifisa ukulubiza ngokuthi ngamapali ovuthondaba, lubizwa ngokuthi yiG-Spot. U-G lona ususelwa kososayensi ababili ababengodokotela abacwaninga ngalo, izibongo zabo zaziqala ngohlamvu u-G; kwagcinwa-ke isibizwa ngokuthi yiG-spot.
Wonke umuntu wesifazane umele ukufika kuvuthondaba; akekho ongadalelwanga ukufika khona. Sake sakhuluma sabalula izindlela nezindawo zokufikisana kuvuthondaba; ngiyaphinda ngithi iG-spot ingenye yalezi zindawo ezikufikisa kulolu nqambothi lomkenenezo okuthiwa uvuthondaba.
IG-spot wuntwentwesana olusophahleni lomgudu wowesifazane ukufikelela kulona kungaba ngaphansana kancane kobude bomunwe ‘ukhombisile’, lona oseduze kwesithupha.
Le ndawo esadundwana elincane elinamathele kulolu phahla, lizwakala kahle uma owesifazane evukelwe. Lapha kunendathane yemizwa, ethontelane yadidiyeleka eminye yaze yadlelana nemizwa ekubhontshisi.
Sifika kuvuthondaba ngenxa yokuvunguzwa, nokudidiyela imizwa esemzimbeni; kungaba engaphandle kwezicubu zocansi noma yimizwa engaphakathi ezicutshini zalo. Ngiyafisa siphinde sikhumbuzane izindawo ezifikisa kuvuthondaba:
Amabele: amabele akhiwe aba nemizwa ekhaliphile ekwazi ukushukumisa wonke umzimba yinqobo nje umbhidi makayazi ingoma.
Umzimba: kunabantu abazingxenye zemizimba ezinemizwa eqwashe ngendlela yokuthi uma ichukunyisiwe ivele ihayise imvunge ezoshubisa wonke umzimba; kushaywe indesheni libangiswe kuvuthondaba.
Ubhontshisi: wonke umuntu wazi ubhontshisi kuyisizinda zokuvuthiswa umgudu, siphinde sikufikise kuvuthondaba. Abaningi bayamangala ukuthi yini kwabanye abantu nakwesinye isikhathi ubhontshisi usushukunyisiwe ungakwenzi lokhu? Lo mbuzo siyobuyela kuwo, nanoma sesike sawuphendula kwezinye zezingosi.
Umgudu uqobo: emgudwini wesifazane ikhona imizwa nanoma ingemningi, eyokhelekayo uma kuyiwa ocansini; futhi ekwaziyo ukukufikisa kuvuthondaba, inqobo nje uma induku noma lokho okusebenzisayo ocansini kukwazi ukuthinta zonke izindonga zomgudu wesifazane. Khumbula, sake sakukhalima kwabesimame ukuvula imilenze gengelezi uma kuyiwa ocansini.
Umlomo wesibeletho: le ndawo inemizwa ekhaliphile futhi eyenzayo imfudumalo iphinde ikwenze ufike kuvuthondaba. Okubalulekile lapha ukuthi kumele niyiqonde indlela yokukungena ezoshukumisa le ndawo uma kuyiwa ocansini, ngokuthi indukunoma lokho okusebenzisayo kufinyelele emlomeni. Le ndawo ivuma kamtoti uma uzoyivubela ngodondolo lwakho uyigudle usuka emazansi awo umlomo wesibeletho.
Ucansi lwangemuva: abantu abaningi bayathanda ukubuza ukuthi umuntu oya ocansini ngale ndlela, uyakwazi yini ukufika kuvuthondaba? Impendulo ithi YEBO! Asikhumbule ukuthi umuzwa oya ngemuva nalowo oya kumgudu wesifazane, usiqu esisodwa ozimpande zawo zisezansi komgogodla. Uhamba ufike uhlukane phakathi, yingakho nokuzikhulula kuba mnandi kangaka. Yingakho futhi ucansi luhlahlamulisa leya ndawo esezansi nomgogodla, nalapha phezulu ezansi namahlombe. Ngakhoke ucansi lwangemuva luhamba ngomuzwa owodwa osuka emgogodleni. Mangisho ngingananazi ukuthi ucansi lwangemuva, luvunguza imizwa yomzimba ngendlela ongeke uyikholwe ngenxa yokusondelana komgudu ongemuva lapha ekungeneni. Ubumnandi obuvubeleka lapho ekungeneni kudonsadonswa umshiza wakho, kuqhashisa izinhlansi; ngiyakutshela ziyothi qatha
qatha izinyembezi.
Umlomo nocansi, isimo sokukhululeka komqondo, ubunjalo bendawo okuyo;(ngiyaxolisa angizukwazi ukwanda lapha, ngenxa yamagama engibekelwe wona.
Sesikhulumile sathi, iG-spot yindawo elumbanisa umqondo, umzimba, izicubu zocansi ekwenza ukuthi kikiza, ubholofide, kuthi hamba uyomemeza, utshele nabadala ukuthi ubumnandi obunje awubazi, futhi akuvumi ungatsheli muntu. Ukushukuma kwale ndawo, kukitaza izimpande zikabhontshisi; uvele ubone amazulu ehla, izingelosi zikuhlangabeza.
IG-spot uyithinta ngayo induku, ikakhulukazi laba abanenduku egobile ingathi ubhanana; okanye usebenzise iminwe noma ithoyizi olisebenzisayo. Induku, ithoyizi, iminwe uyakufaka bese uthinta uphahla uhlehla ingathi uthi; “woza kimi”! Okuyokwenzeka lapho, ngeke ukholwe; izithunywa zezulu ziyotheleka, uyozwa ngempophoma yeshawa yezulu isikubhabhadisa, kube manzi te amashidi. Ukubezwe abanye besifazane bethi; “mina ngizwa kamnandi uma ungicindezela lapha ngasesinyeni”, mntakama usuke ethi munyakazise le G-spot; phela imaqondana nesinye nesibeletho. Ukuchama kubantu besifazane kuyimvelo, ungakwethuki. Abanye bachama kanye uma befika kuvuthondaba.
Ophathina bethu okanye thina, kufuneke sazi uma sizithinta ngeminwe sithintani, kanjani? Kumele bazi uma besikhotha ngaphansi bayijiyisa kanjani le mizwa esezindebeni, ku G-spot nakubhontshisi. Masingakhothi nje ngoba sekungathi yisiko, noma sizwa kuthiwa kuyakhothwa; yiba nolwazi lokwenza bese usondeza umlomo, uncinde-ke.
(Isifiso sami kule ngosi, ukukhuluma ngendlela eya kuvuthondaba ngayinye ukuze uvubeleke ngononina lomncindo wocansi, uwonkewonke ayibhakuzise inethi)