Kubhekwe izindondo kwabakuleli eNigeria
ABADLALI bakuleli bazoya kwiCCA African Senior Championship behambela phezulu njengoba belokhu beqhubekile nokushaya into ecokeme ezingeni lomhlaba.
INingizimu Afrika ibheke ukuthi iqede phezulu ohlwini lwezindondo okwesithathu kulandelana kule midlalo njengoba yenza ngo-2014, eMarrakech, eMorocco, nango-2016 eThekwini.
Kulokhu imidlalo izobanjelwa e-Asaba, eNigeria, ngo-Agasti 1-5.
Ngempelasonto uLuvo Manyonga benoRuswahl Samaai baqhubekile nokuphephezelisa phezulu ifulegi lakuleli.
UManyonga ubeke irekhodi elisha le-long jump emlenzeni waseLondon we-IAAF Diamond League egxuma u-8.58m.
Ubekwenza lokhu ngemuva kokubuya negolide kwi-Athletics World Cup khona eLondon Stadium emasontweni amabili edlule.
USamaai uthole indawo yesibili kwiDiamond League egxuma u-8.42m. UManyonga ukuphuma kwakhe phambili kumnikeze amaphuzu ayisishiyagalombili okumbeka phambili embangweni wokudla isicoco salo nyaka seDiamond League njengoba enzile nyakenye. Abanye abadlali abenze kahle, uCaster Semenya, osekucacile ukuthi akanambangi ku-800m njengoba ephinde wanqoba ngesonto eledlule enqoba umlenze waseMonaco weDiamond League. USemenya ungumpetha ka-800m no-1500m waseAfrika kwabesifazane kanti ifomu yakhe ikhomba ukuthi unalo lokuzivikela ithuba lezi zicoco. Umpetha wamaCommonwealth Games kwi-100m u-Akani Simbine ugijime kahle eLondon eshaya isikhathi esingu-9:93 okuyisona esisheshayo aseke wasenza kule sizini. USimbine waphuma endaweni yesithathu emidlalweni yaseThekwini ngo2016, kunqoba uBen Youssef waseIvory Coast. Akungabazeki ukuthi angathanda ukukhonya kuleli banga e-Afrika ngokuthi enze kahle e-Asaba. Abanye okungabhekwa ukuthi batholele elakuleli izindondo eNigeria, umdlali osemncane we-shot put uKyle Blignaut osanda kubuya negolide kwi-IAAF Under 20 World Championship eFinland. ULebogang Shange owenza i-walk ulokhu eqhubekile nokwenza kahle ezingeni lomhlaba. Uthole indawo yesibili eLondon kwi-30 00m. ENigeria uzobe eyibambe kwi-20km Walk. Wathola igolide eMarrakech ngo-2014 kwathi ngo-2016 wathola indondo yethusi.
USHUMAYELA ivangeli lokusheba ibhola nemfundo umqeqeshi we-University Sport South Africa (USSA), uGeoffrey Tenoff, edle umhlanganiso kwi-SAB Under 21 National Championship ebiseThekwini esongwe ngempelasonto.
I-USSA inqobe umdlalo wamanqamu ngo 2-1 eKing Zwelithini Stadium ihlula iMpumalanga. Amagoli ashaywe nguThabang Chuene noKavendree Makhene. UChuene ugcine efake amahlanu kulo mqhudelwano. UKhulekani Masemola ushaye eleMpumalanga.
Lesi yisicoco sesithathu se-USSA eke yanqoba ngo-2011 nango-2016. Ompetha bale midlalo bathola isheke lika-R20 000 kuthi abaphume isibili bathole u-R10 000.
Ebuzwa ngekusasa labadlali bakhe, uTenoff, obe ngumqeqeshi ovelele, uthe okusemqoka wukuthi baqede izifundo zabo.
“Ngicabanga ukuthi iningi labo linalo ithuba lokudlala ezingeni eliphezulu. Sizoqinisekisa ukuthi siyabakhuthaza ukuthi baqede iziqu zabo. Uma sebeqedile sibasize ukuthi