‘Kuyasisebenzela ukusebenza kanzima’

UKAPUTENI weDurban Ladies FC, uZinhle Shazi,uthe ukwenza kahle kwezakhe kwiKwaZulu-Natal Sasol League njengoba ziqhwakele kungenxa yokusebenza kanzima nokuzikhandla.

IDurban Ladies izihola phambili kwi-log yeSasol League ngamaphuzu angu-39 emidlalweni ewu-14. EzikaShazi zinqobe imidlalo ewu-13, zashaywa kowodwa kuze kube manje.

Alikavuleki nokho igebe elingako ngoba iBarcelona FC neLindelani Ladies balele isibili nesithathu ngamaphuzu angu38. Okwenza iDurban Ladies iphefumule kangconywana wukuthi nakuba izihola phambili, inomdlalo ezowudlala ngoMgqibelo neSunflowers WFC esendaweni yesihlanu kwi-log kuthi ngeSonto idlale neNtuzuma Ladies eyibambe emsileni.

“Sisebenza kanzima futhi sizinikele yingakho silapha sikhona. Asifuni nakancane ukuthi kuthiwe kukhona umdlalo olula ngoba sikholwa wukuthi kungenzeka noma yini ebholeni. Sizoqala ukubona ukuthi sizihola phambili uma sesiyinqobe yomibili imidlalo yethu kule mpelasonto,” kuchaza uShazi odlala kwesokudla emuva. Omunye umdlalo obhekwe ngabomvu kule mpelasonto kwiSasol League oweNtuzuma Ladies ezodlala neBarcelona FC. Kulo mdlalo iDurban Ladies izofisa ukuthi badlale ngokulingana njengoba beyiphefumulisa ngamapayipi.

“Inhloso yethu wukunqoba iligi bese sidlulela emidlalweni kazwelonke nakhona sifike senze kahle. Sekukaningi sihluleka

Imidlalo yeSasol League ngempelasonto:

NgoMgqibelo: Durban Ladies.

NgeSonto: White City v UKZN, DUT v Umlazi Arsenal, Juventus Ladies v Nxamalala Ladies, Lindelani Ladies v Barcelona FC, Tiger Girls v Tottenham Ladies, MUBS Ladies v Newcastle Ladies. Sunflower FC v