USOLINAS USEWATHOLILE AMAPHEPHA OKUSEBENZA KULELI
IKAIZER Chiefs isikuqinisekisile ukuthi umqeqeshi waleli qembu omusha odabuka e-Italy,uGiovanni Solinas usewatholile amaphepha amgunyaza ukuthi asebenze kuleli nokusho ukuthi uzobe ekhona emdlalweni wokuvula we-Absa Premiership obalulekile phakathi kwezakhe neMamelodi Sundowns ngoMgqibelo.
“Sijabule ngokuthi umqeqeshi wethuusewatholile amaphepha okusebenza kuleli. USolinas usezijwayezile nezimo zokusebenza kwiChiefs, singakuqinisekisa ukuthi uzobe ekhona ebhentshini sesibhekene neSundowns ngoMgqibelo,”kusho iChiefs kwiwebsite yayo.
USolinas usayine inkontileka yeminyaka emibili neziMpofana. Umdlalo weChiefs namaBrazilians uzoba sePitoli, eLoftus Versfeld ngo-3 ntambama. kwi-Absa Premiership.
“Kube iminyaka emibili engiyithokozele kakhulu nakuba kade kunezingqinamba eziningi. Leli qembu akukho elingenakho, futhi akulifanele nakancane ukudlala kwiNFD. Ngibona kungcono ngidede kungene omunye umqeqeshi ozofika namanye amaqhinga ashintshe izinto,” kusho uBartlett exoxa nabeSoccerladuma
Ohhe! Sekuyisikhathi sokuthi uBartlett aqale phansi afune iqembu. Sethembe nje akazobuyela kwesokuba yiphini, uPotshoza angaphoxeka kakhulu uma kungaba njalo. UMAME “Long Weekend” Niang ozakhele igama ebholeni laseNingizimu Afrika egijimela iMoroka Swallows usewagaxe emgibeni amakhokho eneminyaka engu-34. Lo mdondoshiya womgadli waseSenegal oke wagijimela neMamelodi Sundowns neRoyal Eagles kwiNational First Division (NFD) uke wahlabana ngomklomelo wokuvalela phakathi amagoli amaningi kwiPremier Soccer League (PSL) ngesizini yango-2004/2006. Useke wadlala eGermany, Norway naseCyprus. Ngokusho kukaNiang, ubone sekuyisikhathi sokuzikhathaza ngamabhizinisi nomndeni wakhe. “Sekuyiminyaka engu-15 ngidlala ibhola elikhokhelayo, okuyisikhathi eside kakhulu, kungakho ngibone kungcono ngiwagaxe emgibeni. Akungoba ngingasaphilile emzimbeni kepha yingoba ngifuna ukubhekisisa amabhizinisi ami nomndeni. Angifuni ukuqamba amanga ngizolikhumbula ibhola, ngizoqhubeka nokubakulona ngoba ngifuna ukuba yimenenja yabadlali, ngiphinde ngihlaziye ibhola kwithelevishini,”kusho uNiang.