UMicho ufuna ukuzit
UFUNA bazelaphe ngeBidvest Wits izidubulo zokwehlulwa kwangempelasonto umqeqeshi we-Orlando Pirates uMilutin “Micho” Sredojevic.
I-Pirates iguqiswe yiSuperSport United ngo 4-3 kumaphenathi kumaquarterfinal eMTN 8 emdlalweni obuse-Orlando Stadium.
Kusasa eZimnyama zizodudulana neWits ekundleni efanayo ngo-7.30 ebusuku koweAbsa Premiership.
IWits iza emdlalweni ingakaze ishaywe emidlalweni emibili yeligi. Ibhaxabule iFree State Stars ngo 3-0 yase ilandelisa ngeKaizer Chiefs eyikweletise ngo 3-1.
EzikaMicho zona zidlale ngokulingana nomakoti beligi iHighlands Park kuba ngu 1-1 zase zishaya iChippa United ng 1-0 njengoba sezigoba kwi-United.
Ngesizini edlule iZitshudeni zikaGavin Hunt bezidonsa kanzima zagcina zingayibonanga ngisho iTop 8. Emidlalweni wazo neZimnyama ziwalahle wonke amaphuzu ayisithupha.
Zibhudluzwe ngo 4-0 ekuhambeni kwathi ekhaya zaguqa ngo 1-0.
Ekhuluma nabezindaba ngemuva komdlalo we-United, uMicho uthe kusemqoka ukuthi bazesule izenyembezi ngokuthola umphumela ogculisayo kwiWits.
“Ngiyazi ukuthi kuzomele silindele umdlalo ohlukile (kunalo ka 4-0). IWits ihambela phezulu kulezi zinsuku ngemuva kwemidlalo emibili. Yenze izinguquko eqenjini layo ayisafani. Kuzomele sikwazi ukuyimela, sivimbe amabhola amade futhi singayivumeli ukuthi inqobe amabhola awela kuyona. Nakanjani kuzoba wumdlalo ongeke ukwazi ukuwuqagela. Siwubheke ngabomvu.
“Thina kuzomele sithole ikhambi lokuzelapha (ekwehlulweni). Kuzomele ngenze isiqiniseko sokuthi iqembu liwulungele umdlalo futhi lelo khambi kube wumphumela omuhle emdlalweni weWits,” kusho uMicho.
Uma ekhuluma ngamabhola amade uMicho kuzomele izitobha