Ufungiswe njengelungu lePhalamende
OWAYEYIPHINI leMeya kuMasipala weTheku, uNkk Nomvuzo Shabalala, izolo ufungiswe njengelungu lePhalamende eKapa evala isikhala esashiywa nguMnuz Mduduzi Manana.
UNkk Shabalala, omunye wabaholi beSACP KwaZuluNatal, ungelinye lamalungu afungiswe yi-ANC ePhalamende kuvalwa izikhala zamalungu ashona nezamanye ajutshelwe kwezinye izindawo.
Wayeyiphini lemeya ngaphambi kokhetho lohulumeni basekhaya ngo-2016.
Esinye sezikhala esivaliwe esesishoshovu samalungelo abantu, uNkk Winnie MadikizelaMandela.
USotswebhu we-ANC IKHASI ELIKHOKHELWE ePhalamende, uMnuz Jackson Mthembu, uthe ezinye izikhala ebezivulekile ngezamalungu ajutshwe ngumbutho kweminye imikhakha.
Emalungwini afungisiwe kukhona noNkk Noxolo Abrahams-Ntantiso, ovale isikhala sikaNksz Fezeka Loliwe owashona, uMnuz Albert Mammoga Seab, ovale isikhala sikaNkk Madikizela-Mandela, uMnuz Daniel Jabu Kabini ovale isikhala sikaNkk Nokuzola Sisisi Tolashe ojutshwe kwenye indawo.
“Kunamanye amalungu afungisiwe ngaphansi kwesigaba u-91 soMthethosisekelo esibalula ukuthi umengameli angakhetha ongqongqoshe ababili abangewona amalungu ePhalamende. UNgqongqoshe wezokuXhumana, uNkk Nomvula Mokonyane, ufungisiwe evala isikhala esishiywe nguMengameli wezwe, uMnuz Cyril Ramaphosa, ongaselona ilungu lePhalamende ngemuva kokukhethwa njengomengameli. IPhini likaNgqongqoshe lezokuPhepha Kwezwe, uNksz Ellen Molekane, uvale isikhala esishiywe nguMnuz Fikile Mbalula osezinze ekomkhulu le-ANC eLuthuli House.”