IMercedes-Benz GLC 63 S ethe thuthu

IMOTO: BRABUS 600 COMPACT SUV

ONJINIYELA bakwaBRABUS sebethathe iMercedes-Benz GLC 63 S 4MATIC + bayishintsha indlela ebukeka ngayo qede bathi thasi ngamandla engeziwe.

IGCL 63 S entsha, inenjini engu-4.0 litre V8 BiTurbo ekhahlela amandla angu-375 kW netorque engu-700 Nm. Ukusuka ku-0 iye ku-100km/h bathi kuyithatha imizuzwana engu-3.8.

Lena yakwaBRABUS yona bayengeze amandla angu-66 kW okusho ukuthi isifuqa u-441 kW ne-torque engu-800 Nm.

Lokhu kwenza ukuthi ukusuka ku-0 iye ku-100km/h kuyithathe imizuzwana engu-3.6 kanti ijubane elikhulu limiswe ngu-300 km/h.

Bathi ngebanga lika-100km isebenzisa amalitha kaphethroli angu-11.9. Uma uyinyathela bathi isuke isindoda futhi izinqawe zayo ezine azigcini ngokukhipha umsindo omnandi kodwa zengeza nobuhle.

Ngaphandle kokwengeza amandla baphinde bashintsha indlela ebukeka ngayo ngokuyifaxa amarimu aphakathi kuka-19 kuya ku-22 inch ubukhulu.

Esesithombeni bayigaxe amarimu ekhethelo amaBRABUS Monoblock Y Platinum Edition angu21 inch.

Okuyiwona amakhulu ngamaBRABUS Monoblock Y Platinum Edition angu-22 inch. Le moot bayifake i-AIRMATIC air suspension eyenza ikhase phansi nokulekelela indlela ebambelela ngayo.

Ngaphakathi ishaya ngesikhumba futhi omunye umehluko bawenze kwi-dashboard, ezihlalweni nasezicabheni.