Kuzoshuba kowe-Engen Polo Cup
AMABOMBO abathandi bezimoto zomjaho abheke eZwartkops, ePitoli, kule mpelasonto njengoba kuzoba nomzuliswano wesithupha emncintiswaneni i-2018 Engen Polo Cup.
Le nkundla yilapho izimoto zomjaho okungamaPolo GTI amasha ezahlilwa khona ngoFebhuwari. Kulindeleke umjaho oshubile uma sekuncintisana izimoto futhi kubhekwe ukuthi zishiyane kancane ekuseni kusasa uma sekuhlelwa ukuthi izimoto zizoqala kanjani.
UJeffery Kruger (Universal Health Polo) nguye ozihola phambili ngombango wesicoco, elandelwe eduze nguTasmin Pepper (Electric Life Polo) noJonathan Mogotsi (W Motorsport Polo).
Oyedwa walaba bashayeli engaphuma emzuliswaneni wakusasa eyezihola phambili embangweni wesicoco.
Abanye abashayeli abakulo mncintiwano ngoShaun La Reservee (Alpine Motors Polo), Clinton Bezuidenhout (Glyco Engine Polo), Keegan Campos (Campos Transport Polo), (Delon Thompson (A&L Materials Polo), Darren Oates (Payen Polo), Jason Campos (Campos Transport Polo), Daniel Duminy (SMD Group Polo), Justin Oates (URUP Polo), Juan Gerber (Gerber Motorsport Polo), Paulus Franken (Manitou Group Polo), Altan Bouw (Ferodo Polo), Benjamin Habig (Just Tools Polo), Shivesh Bissoon (Etch Tech Polo), Peet Visagie (Nathans Polo), noWouter Roos (Nathans Polo).
Umphathi weVolkswagen Motorsport uMike Rowe uthe wonke amaqembu azoya kulo mzuliswano enolwazi olunzulu ngemoto nokuzokwenza ukuthi kusebenze indlela yokushayela. Namhlanje abashayeli bazobe beziqeqesha bese kuthi kusasa beshayele emjahweni wokungenela kanjalo nomjaho omkhulu okuzozungezwa inkundla ka-10 naka-12.