Uhulumeni uzohamba phambili kolomhlaba
I-SABC NEMIDLALO YE-ENGLISH PREMIER LEAGUE
Mluh Mantungwini: Zolo lokhu ibithi ngeke isakazwe imdlalo yePSL emsakazweni ngoba ayinamali, isiqhamuka kuphi le mali yokusakaza le midlalo?
Mthoko Bless Njapha: Mina angijabule ngalokho ngoba iSABC ihlulwa ukuveza imidlalo yePSL edlala ngoLwesibili ngo-6 kodwa ngoMgqibelo iyakwazi ukusakaza ikhilikithi kusukela ekuseni lize liyoshona. KUMISIWE UKUFUNDA ESIKOLENI SABAGWAZENE
Robs Mfokazinja Ziyamkhonkotha Mthembu: Kufanele. Bangaqhubeka kanjani nokufunda izingane zithukile, zidinga ukwelulekwa ngengqondo.
Lindo Mbathason: Ibuhlungu futhi nje ayemukelekile le nto eyenzeke kulezi zingane. Uma kuwukuthi “Inkunzi isematholeni” kusitshelani lokhu ngentsha ekhulayo? IDINGA UBUNONO EYOKUQOMA KOMFELOKAZI
Nkanyiso Percival Ndlovu: Kwenziwa njani uma kuwukuthi umoya wakho uyavuma?
Ningi Mkhize: Kanti manje indoda uma ingasekho ihamba nemizwa yini? Kahleni.
UMENGAMELI Cyril Ramaphosa uthi wuhulumeni ozohola umkhankaso wokubuyiselwa komhlaba ngaphandle kwesinxephezelo njengoba ezobuyisa umhlaba ongaphansi kwawo ngaphambi kokubheka umhlaba wabantu abazimele.
URamaphosa usho lokhu ngesikhathi ephendula imibuzo ePhalamende izolo.
“Abantu bakithi badinga umhlaba lapho bezokwakha izindlu zabo khona, balime futhi benze amabhizinisi. Umhlaba omningi ophethwe wuhulumeni usemadolobheni. Sinqume ukuthi sizowudedela umhlaba ophethwe wuhulumeni ngesikhathi sineLekgotla. Uhulumeni uzoqala udedele umhlaba, sizoya nakomasipala sibacele badedele umhlaba,” kusho uRamaphosa.
Uphinde waqinisekisa amalungu ePhalamende ukuthi uhlelo lokubuyiswa komhlaba ngaphandle kwesinxephezelo luzohamba ngoxolo kulandelwa umthetho.
“Ukhona umhlaba ophethwe ngabantu abazimele, abanye bawubambile abawenzi lutho. Uhulumeni uzowubheka lo mhlaba ulandele umthetho,” kusho uRamaphosa. Ugxeke uhulumeni wobandlululo owawuhlalisa abantu abamnyama kude nezindawo ezinamathuba omnotho. “Akwamukelekile ukuthi abantu abamnyama nabasebenzi bahlale kude nezindawo ezinamathuba omsebenzi. Abaningi bagibela kaningi ngaphambi kokufinyelela emsebenzini. Udaba lomhlaba luzolwa nobubha, luqede ukungalingani kwezinhlanga,” kusho uRamaphosa.