Iyabambelela emakhoneni iLUX
Isuka ekhasini 3
Sithole ithuba lokuvivinya iLUX ezishintshayo emzileni wezimoto zejubane i-Aldo Scribante Raceway ngoLwesibili.
Engikuqaphelile wukuthi yize igijima kodwa akusikho lokhu okuthusayo futhi ayizwakali ukuthi isukisa okwenhlamvu njengoba bethi kuyithatha imizuzwana engu-5.8 ukufika ku-100km/h.
Uma ishintsha igiya ungathi iyabambeka kancane iphinde ilinyuse ijubane. Emakhoneni iyabambelela futhi uyasizwa nesinqe sinyakaza kancane yize ihleli kwazise inaneelectronic stability control eyenza ukuthi ingaphumi emzileni. Uma uyifake kuRACE i-esc isuke ingasebenzi. Umsindo wenqawe uwuzwa undonda ungaphandle noma ungaphakathi.
IMegane R.S. yimoto ongayisebenzisa nsukuzonke njengoba inezicabha eziyisihlanu. Emgwaqweni intofontofo uma uyifake kuComfort futhi yinhle. Abantu basakholelwa kakhulu nokho emagameni ezimoto abawaziyo yize iRenault igubha iminyaka engu-120 kulo nyaka. Kuzoba wumsebenzi ukuthatha abathengi beGolf GTI neFord Focus ST yize incintisana nazo ngakho konke. Inani IMegane R.S 280 CUP izoqala ukudayisa maphakathi nenyanga ezayo kuthi iR.S. 280 EDC LUX iqale ukudayisa ngoNovemba.
New MEGANE R.S. 280 CUP 205kW Manual R549 900
New MEGANE R.S. 280 EDC LUX 205kW EDC R 549 900 Izinto ongazifaka: - Special Metallic Paint (R.S. Models) R10 088
- 19’’ Alloy wheels (R.S. 280 EDC LUX) R8 070
Ziphuma ne-warranty yeminyaka emihlanu noma u-150 000km, service plan yeminyaka emithathu noma u-45 000km ne-anti-corrosion warranty yeminyaka eyisithupha.