Kusele 2 wabashayeli kowamanqamu
SEKUSELE abashayeli ababili emncintiswaneni wokubheka umshayeli weVolkswagen Motorsport owenziwa minyaka yonke.
Lo mncintiswano, obizwa ngeVolkswagen Driver Search Programme, usuweziwa okwesithathu kulo nyaka. Owokuqala kwanqoba uJonathan Mogotsi ongomunye wabashayeli abenza kahle emncintiswaneni iVolkswagen Cup. Ngemuva komzuliswano wesithupha eZwartkops ngempelasonto, uMogotsi unyukele endaweni yesibili kwilogi yabashayeli.
Abashayeli abasele kowamanqamu nguBryce Pillat noShaheen Amlay. Phambilini bekunabashayeli abangu-16 abenziswe izivivinyo ezinzima ngaphambi kokuthi kukhethwe abayisishiyagalombili. Kuphinde kwahlungwa kwasala abane. Baphinde benziswa ezinye izivivinyo zomzimba nomqondo izinsuku eiznhlanu.
Isikhulu sezokuxhumana kwaVolkswagen South Africa, u-Andile Dlamini, uthe umdlalo wezimoto uyingxenye enkulu kwabakwenzayo kwaVolkswagen.
“Kubalulekile ukuthi siqhubeke nokufundisa ithalente elikhona kodwa siphinde sivundulule elisha ukuze umdlalo uzoqhubeka. Kungalesi sizathu sizolokhu siqhubeka nokweseka imincintiswano yezezimoto njengeDriver Search Programme,” kusho uDlamini.
Umphathi weVolkswagen Motorsport, uMike Rowe, uthe ekugcineni kosuku bebebheke izinto ezahlukene. Uthe ijubane lingenye yazo kodwa bebebheka GATE REMOTE nokuthi umuntu uyakwazi yini ukufunda aphinde asebenzise amakhono amasha awafundile enkundleni.
Umzuliswano wokugcina uzohlanganisa ezinye izivivinyo ngaphambi kokuthi kumenyezelwe onqobile.
“Okuwinwa kwiDriver Search kukhulu njengoba onqobayo uba umshayeli wakwaVolkswagen okungenani unyaka owodwa futhi kunethuba lokuthi uqhubeke njengoba uJonathan enza,” kusho uRowe.