Sikulungele ukuhwebelana neChina: Ramaphosa
UMENGAMELI Cyril Ramaphosa usebenzise uhambo lwakhe lwasePeople’s Republic of China ukuqinisekisa osomabhizinisi baseChina ukuthi iNingizimu Afrika ikulungele ukuhwebelana nayo.
Utshele osomabhizinisi abebehambele umcimbi wesidlo sasekuseni ukuthi iNingizimu Afrika imatasa ilungisa izinto ezibalulekile emuva kokuthi ike yangenza kahle. “Silungisa izwe lethu. Senza konke ukubhekana nenkinga yenkohlakalo ekhona emabhizinisini kahulumeni,” kusho uRamaphosa.
URamaphosa ukuqinisekisile kubaholi baseChina ukuthi iNingizimu Afrika izomangaza umhlaba ngokulungisa inkinga yayo yomhlaba.
“Inkulumompikiswano ngodaba lomhlaba iyaqhubeka kodwa ukwesaba obekufakwa abathile kuya ngokwehla. Sizoqinisekisa ukuthi bonke abantu bakithi bathola amalungelo okuba nendawo (yabo),” kusho uRamaphosa.
Ngesikhathi ehambele eNingizimu Afrika ngoJulayi, uMengameli waseChina uMnuz Xi Jinping wakubeka ukuthi idinga uzinzo. Emuva kwezinkulumo zikaMengameli wase-USA, uMnuz Donald Trump, azisabalalise enkundleni yokuxhumana uTwitter, uRamaphosa ugcizelele ukuthi elakuleli lizokuqinisekisa ukuthi ukudla kubakhona nokuthi ukukhiqizwa kokudla kuyathuthukiswa.
URamaphosa uthe iNingizimu Afrika ihambisa impahla eningi eChina futhi iChina ihambisa impahla eningi eNingizimu Afrika.
Ubeke izimbali esikhumbuzweni samaqhawe eTiananmen Square ngaphambi kokuhlangana noNdunankulu waseChina uMnuz Li Kequiang.