UBoity uqunge isibindi wakhipha ingoma
KUMISWE UMSAKAZI ONCONYWE ABESIFAZANE
Hrh Mtwana Nkululeko Gebzin: Cha esangakithi impela lesiteshi kodwa ubuhlathi ububona ngokuhamba kwabasakazi njalo, kungathi kuphethwe ibandla letende nje. Indlela abenza ngayo abaphathi baso akuthusi ukuzwa into enjengalena.
Rowas Phumlani Vilakazi: Iyahlekisa indaba yeziteshi zomphakathi ngokuba ngamahlathi. UBUHOLI OBUSHA BESIFUNDA I-HARRY GWALA
Sibongiseni Petros Shezi: Akekho umuntu osabuthemba lobu buholi besifundazwe ngenxa yenkohlakalo ebinuka phu phu ngaphakathi kuyona kubulawa abantu kabuhlungu.
Masiya Zimu Dlamini: Angibufisele inhlanhla ubuholi obubuyiselwe ezikhundleni engathi bungashintsha ukwenza ke manje ngoba zonke izinkinga ezikhungethe isifunda ngisola bona oZamajobe. Umuntu ebenginethemba lokuthi uzoyibumba inhlangano kaKhongolose nguMnuz Amon Zondi ngiyakholelwa ebuholini bakhe namagalelo akhe. USOLINAS UQINISA ABALANDELI IDOLO
Ketha Uku Thula Magaye: Yinye into engasiqinisa idolo ukuthi esule nje ngokushesha. Sekucacele ngisho impumputhe ukuthi ngaphansi kobuholi bakhe iqembu aliyi ndawo.
Phumlani Muthwenyongo Langa: Izethembiso zikaSolinas ziya ngokuya ziphelelwa yisikhathi, uma engabheki uzozwa kuthi gqi.
Rowas Phumlani Vilakazi: USolinas uphuzile ukuqashwa akafikanga ngaphambi kwesizini usebenzisa lesi sikhathi ngemidlalo yangempela. UPHUPHUMA yinjabulo usaziwayo okhiphe ingoma yakhe yokuqala ngoLwesihlanu.
UBoity Thulo ungusomabhizinisi, uwumethuli wezinhlelo aphinde alingise uveze ikhono ebelingaziwa lakhe lokushaya umculo we-hip hop.
NgoLwesihlanu ingoma yakhe yokuqala ahambisana nesihlabani uNasty C kuyona ethi, Wuz Dat, ibe sematheni iningi labantu ezinkundleni zokuxhumana lizwakalisa ukuyithokozela.
UBoity uthe kade azi ukuthi unalo ikhono lokushaya umculo ikakhulukazi owe-rap.
“Bengivamile ukuziculela lolu hlobo lomculo, ngaze ngabona ukuthi kuhle ngiqunge isibindi ngihlanganise eyami ingoma, laziwe ikhono lami,” usho kanje.
Uthe ngale ngoma ubeqala ukuba nengoma ephelele. Ekuqaleni ubejwayele ukulingisela abaculi abadumile ezingomeni zabo.
Ubonge uNasty C ngokumeseka nokumsiza ngezindlela eziningi emkhuthaza kwaze kwafika usuku lokuthi iphume le ngoma ngoLwesihlanu.
Uchaze ingoma yakhe njengehambisana nesikhathi samanje, ayinalo ulimi oluqosheme futhi ingalalelwa yinoma ngubani othanda umculo.
Yize eqala ukungena kule mboni yomculo uthe, unesifiso sokuqhubeka njalo afane nezinkakha akhule ebukela kuzona njengoSlikour, Reason, Gemini Major no-Anatii.
Ukungena kukaBoity emculweni kumenza abe ngumrepha wesifazane olandela asebevele baziwa kwi-hip hop okubalwa kubona uNomuzi Mabena, Rouge noNadia Nakai.