Izindlela ezingakusiza ukuhlelela umhlalaphansi
SITSHALA NONGUBENI WEZIMALI
NGABE kusho ukuthini ukulungela ukuthatha umhlalaphansi kuwe? Ngabe kusho ukuthini ukuhleleka kahle ngokwezimali uma uya empeshenini? Lokhu kusho ukuthi uba nemali engenayo noma impahla? Ngabe kuyinto enzima ukuyiqonda ukuthi ingavikeleka kanjani imali yakho yempesheni?
Ngaphambi kokuphendula le mibuzo, kufanele uqonde imigomo yakho yezezimali.
Abantu abaningi abanayo inkinga yokuthi bazihlele izindleko zabo zokuphila kepha kuye kube nezingqinamba ezinjengokuthi yimalini okufanele uyilondolozele izindleko zempilo noma izimo eziphuthumayo.
Ungawuthokozela kanjani umhlalaphansi wakho uphinde ukwazi ukushiyela umndeni wakho okuthize?
Le mibuzo ngebalulekile futhi idinga izimpendulo eziphusile.
Ukuze ukhanyiseleke ngezinqumo okufanele uzithathe, nazi izindlela ezingakusiza: 1. Yiba nemigomo nezimiso ngomhlalaphansi wakho. 2. Cwaninga ubungozi obungahle bube nomthelela ongemuhle ekufinyeleleni emigomeni nasezimisweni zakho. 3. Yiba nezinhlelo ngokwezimali ezizokusiza ukuthi ufinyelele ezimisweni zakho ungangeni ebungozini.
Ukulandela lezi zindlela ezintathu kungakusiza ukuthi uqonde futhi wazi izinto ezisemqoka okufanele uzenze ukuze ufinyelele kokusophile:
Zihlele wenze izimiso ezisemqoka Yize iholidi lingaletha injabulo kodwa awusitholi isikhathi esanele sokwenza yonke into. Yingakho kusiza ukuzihlela nokuhlukanisa phakathi kwezinto okumnandi ukuzenza nezimele ukwenziwa.
Ukuzihlelela umhlalaphansi akwehlukile, ukuqonda imigomo yempesheni yakho kungakusiza ukuqinisekisa ukuthi uyafinyelela kuyona.
Ukuba nemigomo eminingi kusiza ekutheni ugxile kokumqoka njengokukhokhela umuzi nokuyongcebeleka eholidini.
Imigomo yokuya empeshenini iyaye ibe yizigaba ezine:
Izindleko zokuphila (njengokudla, impahla yokugqoka kanye nezindleko zezempilo)
Imali ebheke izimo eziphuthumayo (njengokulungiswa komuzi, ukugula kungalindelekile)
Izindleko ezihlelelwe (njengokuya emaholidini, ukuzikhipha nokuzijabulisa)
Ukushiya umlando (njengomuzi noma izikhungo ezisiza umphakathi).
Ukucwaninga ubungozi kwezezimali zakho Uma umgomo wokuthatha umhlalaphansi sewucacile, kufanele wazi ukuthi uvuleleke ebungozini obunjani ngokwezimali, okungaba nomthelela ongemuhle.
Nazi izinto okumele uzibheke:
Ubungozi bezimakethe: Ubungozi benzuzo ezimakethe bungaba nomthelela ongemuhle entengweni yotshalomali lwakho.
Ubungozi kwezempilo: ubungozi bokuthi isimo sempilo yakho singafadalala.
Ngabe utshalomali luzothatha isikhathi esingakanani: kunobungozi bokuthi uphile isikhathi eside kunemali onayo.
Ubungozi bezimo ezingahlelelwe: ubungozi bokuthi kungaba nesehlakalo esingenzeka kungalindelekile nokungadala izinkinga ngokwezezimali.
Ubungozi bentela nenqubomgomo: izinguquko kwintela nenqubomgomo kuhulumeni kungaba nomthelela ekusebenziseni imali yakho esikhwameni oyigcine kuso.
Uma usukuqinisekisile ukuthi ubungozi okubo bunjani, cabanga ngemithelela. Ngabe unemali eyanele?
Ukuhlela ngendlela utshalomali lwakho Utshalomali lwakho lomhlalaphansi kufanele lube nezimpahla, iholo nezinhlelo ozikhethayo.
Lwenze ngezigaba ezintathu:
Iholo lanyanga zonke: imali onesiqiniseko sokuthi uzoyithola ngengempesheni nama-annuities.
Ukwengeza utshalomali: imali okungalona iholo engenayo njengokuba umasitende noma umsebenzi okuholela imali eceleni. Izikhathi eziningi, ukusebenzisa iholo elilodwa ukubheka ubungozi kudala ukuthi ube esimeni esingesihle.
Isibonelo uma uthenga i-annuity kunyusa amathuba eholo eliyisiqiniseko, lokhu kungakusiza ukhokhele izindleko eziqhamuka ungalindele. Uhlelo lomhlalaphansi elisezingeni likuhlomulisa uphile impilo oyifunayo.
Qala uzihlelele namuhla. Ukubeka eqhulwini izimiso nemigomo yakho, ukubuyekeza ubungozi nokuqonda utshalomali onalo.
Wonke umuntu unezimo ezingafani, utshalomali luyahluka, ngakho kuyabaluleka ukuthi uhlele ngokwezidingo zakho uhlelo lomhlalaphansi.
Uma ufuna ukuxhumana nathi e-Inkunzi Wealth Group sishayele ucingo ku-087 160 0018, okanye i-email ku invest@iwgsa.co.za