Izinkunzi zikamaskandi kohlelwa wuProfessor
UMCULI wekwaito, uProfessor, uthe njengeciko akafuni ukuzibophela ogodweni, athi ugxile kwikwaito yodwa kodwa ufuna ukungena yonke indawo.
UProfessor ukusho lokhu echaza ngomcimbi kamaskandi awuhlelayo, i-Esayidi Maskandi Festival. Umcimbi uzoba soGu Sports and Leisure Centre, ePort Shepstone, ngoMgqibelo.
“Njengeciko angizikaleli ukuthi ngihamba ngigcine kuphi. Ngingena kuzona zonke izinhlobo zomculo. Akekho ongazi ukuthi abalandeli abaningi emculweni ngabakamaskandi. Nami ngizisondeza kubo ngoba ngingomunye wabo,” kusho uProfessor.
Emcimbini wakhe kuzobe kunandisa uKhuzani, Amageza Amahle, Shwi noMtekhala, Igcokama Elisha, DSD, AmaYellow Bone, Bahubhe, Ichwane Lebhaca, Mbuzeni, Buselaphi, Thokozani Langa, Phuzekhemisi, Imbongo, Character, Malini, Avante nabanye.
“Ziyotholana phezulu izingqungqulu ngoba sibophele kakhulu. IMalini izosivulela ngomkhuleko bese kuyaqhutshekwa. Ngikhona nami noCharacter sizonandisa ngendlela yethu nesithemba ukuthi abantu bazoyijabulela. Abaculi abaningi bazobe becula bukhoma namabhendi,” kusho uProfessor.
Uthe izethameli azivumelekile ukungena nezikhali namabhodlela.
“Sifuna abantu abaze ngokujabula. Abanezinhloso ezibhedayo abangasondeli. Ogwini oluseningizimu singabantu abanokuthula fuhi siyathemba ukuthi abantu bazophuma ngobuningi babo. Ukwenza kwabo ukuthi umcimbi ube yimpumelelo kuyobe kusho ukuthi izinga lizokhula kakhulu ngonyaka ozayo.”
Amathikithi omcimbi adayisa ngoR100 eComputicket kanti nasesangweni azobe ekhona. Umcimbi uqala ngo-9 ekuseni kuze kube u-10 ebusuku.
UProfessor uthe ebusuku bazobe sebedlulela eSenzis Lounge lapho bezojabulisa abathandi bobumnandi khona.
Uthe uzobe ehamba noDJ Oros, 101, Character, Malini, Emza nabanye.
Beauty and the Beast, The Lion King, eHong Kong neminye.
“Ukulingisa ngakhula ngikuthanda kodwa esikoleni ngangenza izifundo ezithinta isayensi. Ngiqeda u-matric ngo2003 eHunt Road Secondary, angitholanga amamaki amahle. Ngahlala iminyaka emithathu ngizama ukulungisa amamaki ngaze ngangena eDurban University of Technology ngenza izifundo ze-drama engaziqeda ngo-2010,” kuchaza u-Ayanda.
Lo mlingisi ongenangane futhi ongashadile, uthe iThe Herd wumdlalo wakhe wokuqala wethelevishini ukulingisa kuwo.
“Ngatshelwa yi-agent yami ukuthi kunenhlolokhono yokufuna umthakathi. Ngenhlanhla bangithatha. Sekufika uWinnie noSello Maake-KaNcube (odlala indawo kaNyambose) kuthiwa ngizolingisa nabo angikholwanga. Namanje angikholwa. Ngibusisiwe,” kuqhuba u-Ayanda.
Uthe njengoba lo mdlalo usuya ngasemaphethelweni, ufuna ukugxila emculweni nakweminye imidlalo yeshashalazi.
“Ngifuna ukuqopha i-albhamu enomculo omnandi engizobe ngicula kuwo ngoNkulunkulu nangezinto esengidlule kuzo.”