UZOHLALA IZINYANGA ENGALITHINTI OWE-BAFANA OZINZE E-FRANCE
IQEMBU elidlala esigabeni esikhulu eFrance, iMontpellier, selikuqinisekisile ukuthi usehlinziwe uKeagan Dolly weBafana Bafana ophuke ngoMgqibelo bedlala oweligi neStrasbourg.
Lo mdlali omqoka ezinhlelweni zikaStuart Baxter omatasa nemidlalo yokuhlungela ukuzibekisela indawo kwi-Africa Cup of Nations (Afcon) ngonyaka ozayo,uphuke fahla ngoMgqibelo kodwa iMontpellier isikuqinisekisile ukuthi konke kuhambe kahle ekuhlinzweni kwakhe.
Ngesikhathi iqhawe lakho lisajabulela ukubona uDolly eqala umdlalo okokuqala kule sizini kudlule imizuzu eyisithupha uPotshoza wasala ephoxekile. UDolly udlaliswe kabi isitobha seStrasbourg, uJeremy Grimm, kwaphoqeleka ukuba aphuthunyiswe esibhedlela lapho kutholakale khona ukuthi uphuke umlenze.
NgoMsombuluko uhlinziwe uDolly okuyilapho kucace khona ukuthi kusazoba isikhathi engadlali. Kwenzeka lokhu nje,uBongani Zungu naye odlala eFrance usanda kuhlinzwa emsipheni ohlanganisa isithende nesihluzu. Uzohlala isikhathi esicela onyakeni engadlali uBen 10 ngokusho kweqembu lakhe i-Amiens SC.
Ngokusho kweMontpellier,uDolly uzohlala izinyanga ezimbili noma ezintathu engalithinti ibhola kodwa okucacayo ukuthi uBaxter kufanele akhohlwe ngalaba badlali ezinhlelweni zakhe zeSeychelles azotholana phezulu nayo kabili ngenyanga ezayo. Isemqoka le midlalo kwiBafana kwazise isanda kuzenzela umsebenzi ube nzima ihlulwa ukushaya iLibya engadlali njalo ngoba ihlushwa izimpi ezihlale ziqubuka kuleliya lizwe. OweBafana neSeychelles wokuqala usekhaya ngo-Okthoba 13 bese kuthi owesibili ube sekuhambeni ngemuva kwezinsuku ezintathu kudlalwe owokuqala. ongawulindela kumuntu owenza i-wrestling.
UPotshoza uthe uma ebheka kwi-internet wathola ukuthi le nsizwa isebenza ehhotela langakubo njengompheki, ogxile kakhulu ekudleni okwenziwa ngo-flour.
Empeleni lonke iqembu leSeychelles lakhiwe ngabadlali abenza eminye imisebenzi, kwesinye isikhathi abasitholi nesikhathi sokuziqeqesha ngoba benqatshelwa ngabaphathi babo. Impela sekungaba iBafana iloyiwe uma ingahluleka ukuzitamuzela amagoli kwiSeychelles.
IBafana esanda kuphoxa ibanjelwa ekhaya iLibya, idinga amaphuzu agcwele kuyona yomibili imidlalo engo-Okthoba ukuze izibeke ethubeni lokuya kwi-Afcon ngonyaka ozayo.