Selukhishiwe uhlu lwabazoklonyeliswa
SELUKHISHIWE uhlu lwabaculi nosomabhizinisi abasethubeni lokuchonywa uphaphe lwegwalagwala emiklomelweni amaUlundi Entertainment and Business Awards azoba seHlathini kule ndawo ngoDisemba 9.
Le miklomelo ibanjwa minyaka yonke kanti kulo nyaka kuzoba ngokwesithathu ikhona.
Omunye wabasunguli bayo uSiyabonga Masuku wenkampani iLasya Events, uthe inhloso yemiklomelo yabo wukuhlonipha abenza kahle emikhakheni eyahlukene.
“Isifiso sethu ukugqugquzela abenza kahle ngokuthi noma bengafikanga mhlawumbe ezingeni lomhlaba kodwa siyabakhombisa ukuthi umsebenzi wabo uyabonakala ngasekhaya,” kusho uSiyabonga.
Uthe banomunxa lapho bevulele khona abavela esifundeni iZululand.
“Ngonyaka ozayo sifuna ukuthi akhule abe yimiklomelo yesifunda sonke. Okuhle wukuthi asizikhetheli thina abanqobayo kodwa kuba ngabantu ngoba kuyavotwa,” kusho uSiyabonga.
Uthe abantu bathumela amavoti ngamaSMS futhi ukuvota kuzovalwa ngoDisemba 7 bese abanqobile bemenyezelwa emcimbini ongoDisemba 8. Uhlu lwabaqokiwe lumi kanje: Best DJ Local: Mzwah, Tigua, Leendsoul, Max Da Casa, Selector, StitinyaStiqa, Mbeeh, Phikzin, Lace, Riza, Ndux, PhilaSossa, Pvee, Mzie, Sbonelo Da DJ, Cbo Best DJ Representing: Blaqspear, Lindani, Cheff de Soul, LeNqobzin, Chofy, Sompie, Intro Q, Facebuk, Sky
Connect Award: SahnoRah, XBoy, Mthaby, La Qtee M, Thulas, Mjutty, Sosa TheSource, Lang Man, Max OV
Youth Owned Business: Pencil Clothing, Nonos Kitchen, Intaka Images, Zano Fragrances, Salties, Star Mobile Bar, Corner Car Wash, Butlezy Caterers, Glandu
Best Youth Owned Salon: Yadah Salon, Sandiles Salon, Maqomas Salon, Nkules Salon, Ntiyos Salon, My Nunu& Beauty Salon
Best Event: All White Easter Edition, Ceza Vibe, Fasiteki, Iyoke Sundays