NgoNovemba kuzotheleka i-BMW X5
ngamacriss. Ihamba ngamasondo anamarimu aphakathi kuka-18 inch kuya ku-21 inch, kuya ngenhlobo yakho nangentando.
Ngemuva ishaya ngezinqawe ezimbili nebhuthi elithe ukuqumba bese kuba namalambu ayisibaca.
Uma ungena ngaphakathi ifana namaBMW esimanje. Uyazibonela ukuthi yimoto eseqophelweni eliphezulu. Yonke into ibhekene nomshayeli.
Phakathi nendawo kunescreen okuyilapho ukwazi ukuveza khona iselula uma uyixhume nge-Apple CarPlay, ukudlala umsakazo, inkombandlela nokunye.
Kuphinde kube neConnectedDrive okwazi ukuthumela imininingwane ekwiselula emotweni njengokuthi kumele uye kuphi ngesikhathi esithize. Imoto iyobe isiveza kwinkombandlela umzila ongawusebenzisa futhi ongenaso isiminyaminya nokunye.
Uma uthanda futhi uyakwazi ukufaka iHead-Up Display.
Njengoba ngishilo ukuthi inkulu kunendala, abagibeli bahlala ngokukhululeka njengoba iwheel base inyukile nje.
Ibhuthi, elivuleka futhi livaleke ngebhathini, limumatha impahla engu-525 litres futhi likwazi ukufinyelela ku-1 430 litres. Izinjini namandla
IBMW X4 ithulwe ngezinhlobo ezintathu ezinjini ezahlukene ezimbili zikaphethroli neyodwa kadizili.
Eyokuqala yi-xDrive20i engu-2 litre kaphethroli. Inamandla angu-135 kW netorque engu-290 Nm.
Ukusuka ku-0 iye ku-100km/h kuyithatha imizuzwana engu-8.3 kanti ijubane elikhulu ngu-215 km/h.
Ngebanga lika-100km idla amalitha aphakathi kuka-7.8 no-7.1 kaphethroli.
Iqhubeka ekhasini 5