Idonsa ngamasondo ayo wonke

Isuka ekhasini 4

EYESIBILI yiM40i kaphethroli eyi-3 litre futhi eyi-six cylinder. Inamandla angu-265 kW netorque engu-500 Nm. Ukusuka ku-0 iye ku-100km/h kuyithatha imizuzwana engu-4.8 kanti ijubane elikhulu ngu-250 km/h. Idla amalitha kaphethroli angu-9.2 ngo-100km.

Eyokugcina ngekadizili i-xDrive20d. Iyi-2 litre four-cylinder ekhahlela amandla angu-140 kW ne-torque engu-400 Nm. Uma ikade imile iye ku-100km/h kuyithatha imizuzwana engu-8.0. Ijubane layo elikhulu ngu-213 km/h.

Ngo-100km bathi isebenzisa amalitha kadizili aphakathi kuka-5.6 no-5.4. Zonke zisebenzisa u-gearbox oyi eight-speed Steptronic transmission.

Ngonyaka ozayo kuza iM40d ezofika neyakwabo i-X3 M40d.

Lezi zimoto njengoba zingama-xDrive nje kusho ukuthi zidonsa ngawo wonke amasondo. Uma uyishayela uyayikhetha ukuthi ufuna ihambe kanjani phakathi kukaSPORT, COMFORT no-ECO PRO kanti iM40i yona inanoSPORT+.

Ngithole ithuba lokushayela i-xDrive20d ne-xDrive20i. Ngingasho ngaphandle kokunanaza ukuthi ekadizili engigeze igilo.

Inamandla enele futhi udizili bewehla kancane. Amagiya awuyizwa uma ishintsha futhi ithule ngaphakathi. Isiteringi usithinta kancane nje sijike futhi emakhoneni iyabambelela.

Kwi-xDrive20i ngiphoxwe amandla ayo ngoba uma uyinyathela ngamandla ufuna ukudlula enye imoto ivele ibange umsindo ingagxumi ingene ejubaneni. Nothi lukaphethroli futhi uma ushesha lwehla ngamandla.

Emgwaqweni ngiyizwe iqinaqinile izwela nasemgwaqweni kancane ukuthi inamabhampu.

Ungayibuka iyinhle uyitotose kodwa azinankinga nokuhamba obhuqwini ngenxa yokudonsa ngawo womane amasondo.

Kulezi ezingamaM Sport Perfomance uyakwazi ukufaka i-Adaptive M suspension eshintsha indlela ehamba ngayo ukuze ibambelele futhi ikwazi nokuba ntofontofo. Ezokuphepha Ngakwezokuphepha ifika nezinto eziningi njengeDynamic Stability Control (DSC), AntiLock Braking System, Dynamic Traction Control, Cornering Brake Control, Dynamic Brake Control, Automatic Differential Brake neHill Descent Control. Uma uthanda uyakwazi ukufaka amaM Sport brakes abamba thaqa futhi inama-disc amakhulu nama-callipers aluhlaza okwesibhakabhaka.

Ezinye zokuphepha yiCruise Control ekwazi ukubhreka (uma ufake i-Active Cruise Control iyama uma kunesidingo iphinde isuke), iyabika uma ingase ishayise, iyabika uma uphuma emzileni nokunye.

Ukuyipaka akuwona umzukuzuku ngenxa yeParking Assist Plus njengoba izingenela futhi inekhamera eveza umzimba wonke ngisho nangokhakhayi. Amanani” X4 xDrive20i: Standard Model R843 000 M Sport Model R887 900 M Sport X Model R887 900 X4 M40i R1 132 800 X4 xDrive20d: Standard Model R843 000 M Sport Model R887 900 M Sport X Model R887 900 Inani lihlanganisa iVAT kodwa aliyifakile iCO2 emmissions tax.