Isexwayiso ngobungozi bokubhema insangu kubashayeli
NGESIKHATHI lapho abanye bejabulela ukuthi iNkantolo yoMthethosisekelo igunyaze ukuthi abantu baseNingizimu Afrika sebengayibhema insangu emakhaya, kukhishwe isexwayiso sokuthi lokhu kungaba nobungozi kubashayeli.
Isikhulu sakwaMasterDrive, u-Eugene Herbert, sithe elakuleli alinazo izimfanelo ezanele zokubhekana nokusetshenziswa kwensangu emgwaqweni.
Uthe ngonyaka odlule iCentral Drug Authority ithe ukusetshenziswa kwensangu kungasiphinda kabili isibalo sezingozi emgwaqweni yaseNingizimu Afrika.
“Indaba yase-US iveza ukuthi ngemuva kokuthi iWashington yagunyaza ukusetshenziswa kwensangu ngo-2013, isibalo sabashayeli abasezingozini okudlula kuzo umphefumulo abasebenzisa insangu saphindaphindeka kabili ngo2014.”
Uthe lokhu kusho ukuthi kubashayeli abayisithupha ababa sengozini batholakala ukuthi babesebenzise insangu.
“Uma isidakamizwa siphazamisa ukwahlulela kwakho, ukudlinza futhi nokushayela, singaba nobungozi ukushayela usisebenzisile njengotshwala.”
Uthe ngaphambi kokubhema insangu, nazi izizathu ezingakwenza uyeke:
- Isikhathi owenza ngayo esimeni esithize siyancipha. Izidakamizwa zingenza ukhathale okungaze kudlulele nangakusasa. Ukudlinza kwakho kungancipha.
- Ukushayela kwakho kungaba nodlame. Izidakamizwa zingenza uzethembe ngokweqile futhi uthathe izinqumo obungeke uzithathe
- Ungase uzizwe uphethe yisiyezi, ungaboni kahle futhi kuthi buyisa
- Yize kunzima ukuqinisekisa ukuthi uzisebenzisile kodwa uma ubanjiwe ungaboshwa, uphucwe izincwadi zokushayela noma ujeziswe kanzima.