I-The Imposter ikhuza ibuya ngabalingisi abasha
UMNIKAZI wenkampani eqopha imidlalo yethelevishini, uKutlwano Ditsele, uthe uyethulela isigqoko iFerguson Films ngokubanikeza umdlalo wabo iThe Imposter ukuthi bayididiyele.
UKutlwano ungumnikazi weSetiri Films ekhiqiza iThe Herd ephele izolo ebikhonjiswa kuMzansi Magic.
Esikhaleni sayo sekuzongena iThe Imposter phambilini eyayididiyelwa yinkampani kaShona noConnie Ferguson.
UKutlwano ubhale ekhasini lakhe le-Instagram ukuthi baphoselwe inselelo yokuthi bawenze ngendlela yabo umdlalo. Uthe lesi yisikhathi esimnandi embonini yabo uma izinkampani zikwazi ukuhlangana zenze umsebenzi.
I-The Imposter izobuya isishaya ngabalingisi abasha.
UShona uthe bebefuna ukugqugquzela ukuthi abadidiyeli embonini basebenzisane ukwakha izinhlelo zethelevishini namafilimu.
Umqondisi wezinhlelo zikaqedisizungu zeM-Net, uReneilwe Sema, uthe iThe Imposter izoba umdlalo wokuqala ukuthi bashintshanise izinkampani ukuthi zenze imidlalo kodwa zigcine into umdlalo okhuluma ngayo.
Isizini yokuqala yayikhuluma ngamawele uMantwa noMatshepo Tau ababelingiswa nguThishiwe Ziqubu. UMantwa waphuma ejele wazophila impilo eyayiphilwa wudadewabo.
Kwisizini entsha kuzobe kukhulunywa ngempilo kaTebogo “Tebza” Modikoane obhekene nengwadla yokondla umndeni wakhe. Ngakolunye uhlangothi iwele lakhe uGary Mokoena uphila impilo ewubukhazikhazi futhi uyimpunyela.
Amawele azobe edlalwa nguMpho Osei.
Abanye abalingisi ngoDidie Makobane odlala indawo kaMmabotho, uMmabatho Mogomotsi onguCandy, Gail Mabalane olungisa uKelebogile,