Uduke nezingane obekhala ‘ngoyisezala’
IZINYANGA ZIFUNA UKUTHATHWA NJENGABAHOLI BENKOLO
Themba M Chonco: Zifuna ukuthathwa ubani? Kanjani? Lokhu ebezithathwa ngakho kunayiphi inkinga manje?
Zwane Simphiwe Tornado Baba-S’boniso: Impela ngisanda kukusho kwabanye lokho ukuthi abefundisi banamhlanje, ikakhulu abasindisiwe, akuwona amandla kaNkulunkulu asebesebenza ngawo manje. Sebethwele njengezinyanga. Bhambatha Ka Mancinza: Umuthi awuhambisani nenkolo ngicela nizitshele lokho. I-EFF IZIDLELA AMAHLANGA EMANYUVESI
Phoh Qhabulabethuminyile Madlala: Emanyuvesi phela kugcwele abantu abafuna into eya phambili yikho nje i-ANC ithwele kanzima.
Lindelani Nhlabathi KwaMashu: Iqembu le-ANC kumele libe novalo ngalokhu ngoba ukuze uwine ukhetho, udinga abantu abasha kakhulu. Kuyacaca ukuthi intsha isicula elinye iculo manje uma sekuza ngakwipolitiki.
Mphakamiseni Samkelo Jama: Sesifikile isikhathi soshintsho emzansi, abantu abasha bayakwazi ukubuka ngeso elijulile UBONANG UKHISHELWE INCWADI YOKUBOSHWA Sthubeni Sjekula: Akufani nawe sisi Mcebisenie Nxumalo: Akukaze kwathuleka ngoBonang uhlezi esekhasini lokuqala losisi, hhayi.
UBEKHALA ngokuthukwa wuyise wesoka akipite nalo owesifazane waseMandawe osekuphele inyanga edukile.
UNksz Thandeka Msomi (28) nezingane zakhe uMinenhle (5) noLindani (2) obesekuphele iminyaka ewu-13 ekipitile, walahleka ngoSeptemba 1. Kuthiwa wakhala ngokuthukwa uyisezala.
Udadewabo wesoka uNksz Nonhlanhla Mthethwa, uthe ngosuku alahleka ngalo babehlele ukuthi bazohlangana edolobheni, wamlinda waze wahamba engafiki nengane ayeyoyithengela izicathulo.
“Ngaze ngafonela ekhaya ngibuza ukuthi usephumile yini kwathiwa usephumile. Ngalinda kodwa lutho, ngaze ngagibela ngabuyela ekhaya. Ngesikhathi ngisetekisini eya ekhaya ngambona ehamba ngezinyawo nezingane bebheke eScottburg,” kusho udadewabo wesoka.
Uthi: “Ngazitshela, ukuthi uzohola imali yeqolo abuye, wangabuya. Engasabuyi ngacabanga ukuthi kungenzeka ukuthi uvakashele kwamalume wakhe ngoba ubeke wathi uyabakhumbula, kodwa nakhona kuthiwa akazange afike,” kusho uNksz Mthethwa.
Endlini abelala kuyo nesoka lakhe kuthiwa kwatholakala isicucu sephepha esinenombolo kamakhalekhukhwini.
Yafonelwa kwaphendula owesilisa ozwakala sengathi owangaphandle kwaleli wathi bebevumelene ngokuthi bazohlanga ePark Station eGoli kodwa akafikanga.
“Lo wesilisa wathi akamazi ubezobe eqala ukumbona bebegcina ngokukhuluma ezinkundleni zokuxhumana. Le ndoda yathi izongazisa uma efika. Uma sengifona emuva kwezinsuku ezimbili ucingo lwase luvaliwe.”
Uthe abakaze baxabane kodwa ubeke akhale ngokuthi ‘uyisezala’ uyamthuka ngokukipita.
“Ubaba uthuka wonke umuntu uma ephuzile. Angazi noma lokhu bekumcasula yini. Angikwazi nokulala ngicabanga izinto eziningi ezingabehlela njengoba sekunowesilisa othi ubezohlanga naye,” usho kanje.
Ngosuku okwalahleka ngalo uNksz Msomi wayegqoke i-jean nokwangenhla okumnyama, uMinenhle wayegqoke ingubo enokumnyama nokumhlophe, izicathulo ezi-pink ezinokumhophe, uLindani egqoke i-jean e-cream nejakhethi eluhlaza okwesibhakabhaka.
UCaptain Nqobile Gwala okhulumela amaphoyisa kulesi sifundazwe unxuse umphakathi ukuthi ubasize ngolwazi olungaholela ekutheni kutholwe lo mama nezingane zakhe. Kungathintwa umseshi uWarrant Oficer Pakkies, eScottburg, ku-039 978 1900 noma ashayele iCrime Stop ku-08600 1011.