Uphinde wabuya bulanzi ethi uyohola
Ngingumnqobi
Ngintantatheka ezinkalweni zakoBuchopho,
Ngikuvumele ukubhoklozwa imintshingo yakoMona,
Ngaqhuzulwa ngamatshe ezimfamona, Nginwaya utwayi lwenhlebo; Bangihleke usulu nenhlinini kulolu khalo.
Akekh’ ongangiphuca isicoco sami,
Ngisazonqoba, nginqobile, ngingumqobi
Nginyakaziswe umoya wentukuthelo,
Ngaqumis’ okwenkomo enezinga,
Ihlatshwa zithiyo emaphusheni,
Ngezw’ iminjunju yemicibisholo,
Imicibisholo yomona nenhlebo, ngakhesiya.
Akekh’ ongangiphuca isicoco sami,
Ngisazonqoba, nginqobile, ngingumnqobi
Ngingumnqob’ onqobela abanqobi, Adilize amagquma omona, Kushabalale imimoya emibi, Kugqabuk’ amaketango enzondo,
Ngithole ithemba lokuphila, Ngivakashelwe Zimpethu Ngivakashelwe zimpethu Ehlozini eliqubuk’ isiphethu, Ngazithola ngiqhweba, ngiqhuba ngagqwaba nabakwethu. PHEZU kokuthi iSouth African Social Security Agency (Sassa) ithembise uNkk Sibongile Sylvia Simelani (70) ukuthi uzoyithola imali yakhe yempesheni nezibonelelo zabazukulu bakhe abane, ngoLwesithathu utshelwe ukuthi ayikho kodwa luyaphenywa udaba lwakhe.
IPhini leMenenja ebhekelele ezokuXhumana eSassa KwaZulu-Natal, uMnuz Mdumiseni Hadebe, lithe kunophenyo olwenziwayo ngodaba lukaNkk Simelani.
“Siqale uphenyo ngalolu daba ngoba imali kaNkk Simelani ayikho. Ngesikhathi sisaphenya sizomfaka ohlelweni olubizwa ngeSocial Relief of Distress ukuze athole okuya ngasethunjini,” kusho uHadebe.
Phambilini uHadebe wayethe ngokwamarekhodi abo akekho okhiphe imali kaNkk Simelani kodwa ngoLwesithathu uNkk Simelani uphinde watshelwa ukuthi imali yakhe ikhishwe womunye umuntu.
“ESassa bathe angivule icala ngoba imali yami ayikho. Ngiyaxakeka ngoba ngoLwesibili ngilale kuthiwa akekho oyikhiphile angibuyele khona. Into engixaka kakhulu wukuthi umuntu oyikhiphile kuthiwa usebenzise ikhadi elisha lokuhola izibonelelo eSassa abathe liphephile. Benginekhadi lakwa-easy pay mina ngingakalivuseleli elisha. Ngiyayidinga imali ngoba izingane kazidlile,” kusho uNkk Simelani.
Uthe uyaqonda ukuthi eSassa kufanele benze uphenyo kodwa akazi kungani engayitholi imali yakhe ngoba kuyacaca ukuthi kunomuntu owenze ubugebengu obulambisa yena nabazukulu.
“Bathe bazonginika ivawusha ukuze ngibe nokudla kuzothi uma sebephothule uphenyo badonse imali yaleyo vawusha kwisibonelelo sami sikahulumeni. Ngikhathazekile ukuthi imali yami engiyiphiwa wuhulumeni ikhishwe kanjani womunye umuntu?”