Ithemba odabeni lwamalayisensi
UTHISHANHLOKO UFUNA KUVALWE UKUFUNDWA KWE-MATHS LIT ESIKOLENI SAKHE
Sihle Siyabonga Ngidi: Bonke laba abavumelana nalo thishomkhulu abakaze bayifunde okanye bayifundise le Maths Lit. Bezwa nje bexoxelwa ngayo. Ngesinye sezifundo ezibalulekile ezikhona. Kodwa-ke uma engazazi izinto ezifundiswa kuyo uzobhibhidla lapha.
Primogeniture Manciya: Inzima kabi iMaths ngoba kwasayona iMaths Lit ayilula, uma ingasafundwa kuzofiwa phela.
Phoh Qhabulabethuminyile Madlala: Ayivalwe bo. Into eqhamuka isikunika amaformula wena into osekumele uyenze ukufaka lokhu abakudingayo uzitholele amaphuzu amathathu kanjalo ke. SIYAKHULA ISIBALO SABADLALI BE-SUNDOWNS ABALIMALAYO
Sphesihle Madlala: Yaze yaba nenkinga bo kwaqale kwalimala uMshefane ngenkathi bezodlala neWits manje sekuwuVilla.
Thembinkosi Mboh Mboniseni: Awu izoqina kakhulu ngoba inabadlali abaningi abaphambili iSundowns.
KULOKOZA inhlansi yethemba ngodaba lokukhishwa kwamalayisensi ezikhungweni zikazwelonke njengoba abantu bebekhala ngokuthi awaphumi kusukela ngoJuni.
Isolezwe like labika ukuthi abasebenzi beDepartment of Licensing and Card Account (DLCA) bebetelekile bethi bafuna ukuqashwa ngokugcwele.
IDLCA ikhiqiza iphinde iqoqe imininingwane yabantu ababhalisela amalayisensi nalabo abasuke beyovuselela.
Kuvela ukuthi bawu-40 000 abantu abangawatholile amalayisensi ngenxa yokuthi abengakhishwa ezikhungweni zawo ngesikhathi kunesiteleka.
UMnuz Nhlakanipho Mncube utshele Isolezwe ukuthi useze wamiswa emsebenzini ngoba engayitholi ilayisensi yakhe.
Uveze ukuthi wafaka isicelo selayisensi ngo-Ephreli 24 kwathi ngoJuni wafaka esePublic Drivers Permit (PDP) esikhungweni samalayisensi esiseVerulam.
Uthe emsebenzini umiswe ngenxa yokuthi akayitholi impendulo eqondile yokuthi kungani ilayisensi okuthatha amasonto amathathu ukuthi iphume sekuthathe cishe izinyanga eziyisithupha ingaphumi.
Ngesikhathi egcina ukuyoyibheka watshelwa ukuthi akabuye emuva kwamasonto amabili kodwa wanganikwa isizathu sokuthi kungani ingaphumi.
UMnuz Mluleki Mntungwa, obhekele ezokuXhumana eMnyangweni wezokuThutha nokuPhepha koMphakathi KwaZuluNatal, uthe amalayisensi abengaphumi ngenxa yenkinga yobuchwepheshe obusetshenziswa ngabawenzayo.
“Bekunenkinga yobuchwepheshe kwaphinde kwaba nenkinga ethinta abasebenzi kodwa ziyalungiswa lezi zinkinga. Abantu abebecele amalayisensi sebezowathola,” kusho uMntungwa.