Ukhala ngokukokotelwa kwamafilimu uKenny
ying kaZakes Mda ngoba
UKenneth ungomunye wabalingisi abazobonakala efilimini, iFrank & Fearless yenkakha uLeon Schuster. Izoqala ukudlala emabhayisikobho ngoNovemba 23.
“Ngike ngasebenza noLeon Schuster phambilini kwiMad Buddies. Wangicela ukuthi ngizodlala indawo kaDolf. Indawo engiyidlalayo ihlukile kakhulu ngoba ngiwumuntu omubi obulala obhejane. Ifilimu ikhuluma ngentwana encane uFearless (Themba Ntuli) ethatha isinqumo sokukhuluma ngokubulawa kobhejane okuyizilwane ezisengcupheni e-Afrika yonke. Sidlulisa umyalezo obalulekile ngendlela ehlekisayo.”
Uthe yena uma enza amafilimu usuke efuna ukujabulisa abantu, ukubahlekisa nokubafundisa.
“Le filimu iyakhombisa ukuthi awudingi ukuthi ube mkhulu ube nobhebhenene wentshebe ukuze wenze ushintsho emphakathini. Igqugquzela izingane ukuthi zibe nesibindi zikhulume ngezinto. Sifuna izingane zibuze imibuzo. Mina nginezingane zamantombazane amathathu uNtando, Lungi noWandile engibatshela ukuthi ababuze imibuzo ngaso sonke isikhathi futhi ngisho ukuthi abasho uma kukhona into abangayithandi.”
Ugqugquzele abafuna ukungena emkhakheni ngokuthi bazazi ukuthi bangobani nokuthi bafunani.
“Angizange ngikhulele kwithelevishini kodwa yinto engangiyifuna ngathola indlela yokuthi ngiyifundele. Yingakho ngemuva kweminyaka engu-25 ngisakhona. Kumele usebenze. Uzoyithola kanjani uhleli ekhoneni.”