Kuyazenzelwa esikoleni iZibuko High
MHLELI: Ngiveza ukudumala kwami ngesikole sangakithi eNseleni iZibuko High School. Kuyadumaza ukubona isikole esingenayo inqubekela phambili njengalesi.
Ngikhathazwa yindlela abafundi abachanasa ngayo emphakathini befake umfaniswano ngesikhathi sesikole. Bayazenzela nje kukwampunz’edlemini. Umthetho awuqinile noma abafundi abawulandeli. Uma kuthi umfundi akagoduke uyagoduka kungabindaba zalutho. Abanye bafika emva kwesikhathi kodwa bafike bengene.
Angikudalule lokhu, angisho ukuthi abafundi abaphathwe ngesandla sensimbi kodwa ngifisa sengathi othisha, uthishanhloko,nesigungu esibhekela ukusebenza kwesikole bangaqinisa isandla ngoba izingane zethu zogcina ziyizimpumputhe. Ngingekufihle nje ukuthi izikole ezenza umsebenzi oncomekayo, okubalwa kuzo iHluma,Tholokuhle neGweje Obomvu zinazo izinsizakusebenza okwenza nabafundi bekukhuthalele ukuya esikoleni. Angikholwa nokuthi esikoleni Zibuko ikhona indawo yamakhompyutha noma wona engekho phakathi.
Bengicela uNgqongqoshe uMthandeni Dlungwane athumele izikhulu zomnyango ukuba zizohlola isimo ngoba kubi impela. Ilanga alikashoni ngoba kukhona abasengakwenza ukuthuthukisa isikole. Ekugcineni ungqongqoshe uzolindela imiphumela esezingeni eliphezulu kodwa isikole sisezingeni eliphansi. Angisho ukuthi nothisha abadembesele kodwa ukuthola izinsiza kusebenza ezanele kungenza omkhulu umehluko esikoleni. Okungiphatha kabi wukuthi sibona emaphephandabeni usuku nosuku izikole zezindawo ngezindawo zihlomula ngamakhompyutha kanti kithi kwakhala nyonini?
Ngiyacela kuNgqongqoshe nasezikhulwini zoMnyango wezeMfundo kanye nomasipala ukuthi kungenelele kuphose esivivaneni ngoba yizingane zesizwe sethu lezi ezizophakamisa igama lendawo yangakithi ngelinye ilanga. Siyafisa ukuziqhenya ngazo siwumphakathi ngelinye ilanga. Kuyongijabulisa ukuzwa kuthiwa umnyango ufikile ukuzobheka isimo kulesi sikole. Freeman Sifundo Manyoni Ngengoma.
Umuntu ngeke uyishintshe indlela adalwe ngayo. Ngaso sonke isikhathi iminwe ikhomba uMdonso kuSigiya Ngengoma kuthiwa usindwa yilolu hlelo. Mina-ke ngokwami ngiyasiqonda isizathu salokho wukuthi abalaleli basuke baqhathanise uMdonso noZimdollar Biyela asakaza naye lolu hlelo kanti uMdonso usakaza