Kufunwa umndeni womfana ongazazi
AMAPHOYISA aseThekwini athungatha umndeni womfana okusolwa ukuthi uphazamisekile ngokomqondo okusolwa ukuthi uneminyaka engu-10 otholwe elahlekile edolobheni eThekwini.
Lo mfana ongazazi igama lakhe utholwe yimenenja erenki yamatekisi kuSoldiers Way, eThekwini ngo-18:30 ebusuku ngoMsombuluko.
Imenenja yaserenki ithathe lo mfana yamhambisa esiteshini samaphoyisa eDurban Central.
Ngokusho kokhulumela amaphoyisa esifundazweni, uColonel Thembeka Mbele bafuna usizo lomphakathi ukuze bathole umndeni wale ngane okubukeka sengathi iphazamisekile emqondweni.
“Sicela ongaba nolwazi ngalo mfana ukuba athintane noSergeant Nandipha Mbebe ku: 031 3254541 noma 071 845 8023, ukuze sizothola umndeni wakhe,” kusho uCaptain Gwala. Khonamanjalo, ugwetshwe iminyaka engu-20 eNkantolo eNkulu yaseMadadeni umlisa olahlwe ngecala lokubulala uthishanhloko waseKhomo Primaty. UScelo Mdletshe (23) waseQomintaba, Obuka, ugwetshwe ngoLwesihlanu oludlule ngecala lokubulala uNkk Busisiwe Nzuza (48). Ngesikhathi egwetshwa umbulali , inkantolo okhiphe umyalelo wokuthi akasakufanele ukuphatha isibhamu. Isigameko sokubulawa kwalo thishanhloko senzeka ngoJanuwari 2017, umufi wayehamba emgwaqweni u-R34 ebheke eShowe ehamba nezihlobo zakhe ezimbili kwathi sebeseMpangeni bahlangana THUMELA umbono ngalolu daba kuFacebook (Isolezwe), kuTwitter (@isolezwenews) noma umqhafazo ku-45773. I-sms ibiza R1,50. nabantu abathathu abacela ukugitsheliswa emotweni.
Wabe esema umufi wabagibelisa, kwakukhona amadoda amabili noyedwa wesifazane.
Kulaba abathathu ababegitshelisiwe, ababili bacela ukwehla eMasangweni, wabehlisa base beqhubeka nohambo.
Sebefike eNkwalini owesilisa owayesele wacela umshayeli ukuba ehle emotweni yakhe. Umshayeli wayimisa imoto, umbulali wakhipha isibhamu wamphoqa ukuba ehle. Umshayeli kuthiwa wanqaba ukwehla, wazama nokuyihambisa imoto yakhe. Umbulali wabe esemdubula kathathu ekhanda maqede wehla emotweni wabaleka.
Amaphoyisa aseShowe avula icala lokubulala nelokuzama ukubamba inkunzi. Icala labe seliphenywa kwagcina kuboshwe umbulali ngoSepthemba 2017. Ubelokhu ehamba icala njengoba ligcine limlahlile wabe esegwetshwa.