UROHR USHAYE NGESITHENDE ISETHENJWA SE-NIGERIA
i-Orlando Pirates okwenze kwanyakaza nabalandeli bawo Amakhosi abasePhalamende. UHolomisa, ongomunye wabalandeli beChiefs abaqavile futhi abangazifihli, ukhala ngokushintsha isikimu kuyona yonke imidlalo. Ngokusho kwalo sopolitiki, uSolinas uzowela esikhinsini esifanayo nalesi okuwele kusona obengumqeqeshi weChiefs, uSteve Komphela.
“Ngikholwa ukuthi inkinga enkulu yeChiefs ikumqeqeshi uqobo. Akubona abadlali kepha ukushintshwa kwesikimu kuyona yonke imidlalo isidingo singekho yikhona lokhu okubuyisela iqembu emuva. Anginawo amava angako ebholeni kodwa ngiyazi ukuthi ukushintsha ngaso sonke isikhathi kudala ngisho uqhekeko kubadlali. Kunzima kabi ukujwayela umuntu omusha ozodlala naye kuyona yonke imidlalo,” usho kanje uHolomisa.
Neqhawe lakho uPotshoza lihambisana naye umhlonishwa ngoba yena uSolinas uyakholelwa impela ekushintsheni isikimu njengoba kowabakhaya baseSoweto eqale ngoBernard Parker ekubeni kuwumdlali ongasajwayele ukuqala imidlalo. Nokusala ngaphandle kukaDaniel Cardoso okunguyena obeqala imidlalo phambili kuthusile. Lokhu bekuchaza ukuthi uSolinas uzoqala owabakhaya ngoMario Booysen osanda kusayina eqenjini.
“Inkinga ngomqeqeshi wethu omusha ukuthi akazange afunde lutho kuKomphela obesiqeqesha phambilini. Inkinga kaKomphela yikhona ukushintsha isikimu njalo kodwa noSolinas ubukeka ezimisele ngokuwa lapho kuwe khona umqeqeshi wethu waphambilini,” kusho uHolomisa.
UMQEQESHI weqembu lesizwe laseNigeria, uGernot Rohr uthi akasayingeni eyamakhehla kumaSuper Eagles, usefuna abadlali abancane.
Lokhu ukwenze kwacaca ngesikhathi ememezela isikwati esizobhekana neBafana Bafana kweyokuhlungela i-Africa Cup of Nations (Afcon) ngenyanga ezayo.
URohr ushiye ngaphandle isethenjwa seminyaka kwiNigeria, uJohn Obi Mikel oke wagijima kwiChelsea yase-England eminyakeni edlule.
UMikel ubeyingxenye yeqembu ebelidlala kwiNdebe yoMhlaba ebiseRussia ngoJuni.
Abanye abadlali abahlonishwayo abangeke badlale uma iSuper Eagles isibhekene neBafana, uVictor Moses noWilfred Ndidi abasanda kumemezela ukuthi abasezokuba yingxenye yeNigeria sebezogxila emaqenjini abo. Isikwati seNigeria simi kanjena: Onozinti: Daniel Akpeyi (Chippa United‚ South Africa‚ Ikechukwu Ezenwa (Enyimba)‚ Francis Uzoho (Elche‚ Spain)
Abasemuva: Ola Aina (Torino‚ Italy)‚ Semi Ajayi (Rotherham United‚ England)‚ Adeleye Aniyikaye (IfenayiUbah)‚ Leon Balogun (Brighton and Hove Albion‚ England)‚ Jamilu Collins (Paderborn‚ Germany)‚ William Ekong Troost (Udinese‚ Italy)‚ Bryan Idowu (Lokomotiv Moscow‚ Russia)‚ Kenneth Omeruo (Leganes‚ Spain)
Esiswini: Mikel Agu (Vitoria Setubal‚ Portugal)‚ Oghenekaro Etebo (Stoke City‚ England)‚ John Ogu (Hapoel Be’er Sheva‚ Israel)
Phambili: Samuel Chukwueze (Villarreal‚ Spain)‚ Odion Ighalo (Changchun Yatai‚ China)‚ Kelechi Iheanacho (Leicester City‚ England)‚ Alex Iwobi (Arsenal‚ England‚ Samuel Kalu (Girondins Bordeaux‚ France)‚ Ahmed Musa (Al Nasr‚ Saudi Arabia‚ Victor Osimhen (Charleroi‚ Belgium)‚ Moses Simon (Levante‚ Spain‚ Isaac Success (Watford‚ England)