AboZalo babongwe ngokuzimisela
ISILOMO somlingisi woZalo, uKhaya “GC” Dladla, sithe bangaphansi kwenkulu ingcindezi ngoba kumele banyuse izinga kwisizini entsha yalo mdlalo ngonyaka ozayo.
UKhaya ubekhuluma emcimbini wokuphothulwa komsebenzi wesizini yesine yalo mdlalo okhonjiswa ngo-8.30 ebusuku phakathi nesonto kuSABC 1. Umcimbi ubuseViews at Twenty5, eThekwini, ngoLwesibili ebusuku. Uthe ukuvula kwababukeli uSABC 1 kushintsha impilo zYabo. “Angazi ngezinye izinhlelo ezinababukeli abangu-100.”
Uthe miningi imidlalo ngesikhathi sabo kodwa uyajabula ukuthi abantu abangu-10.2 million eNingizimu Afrika babuka Uzalo. “Singaphansi kwengcindezi. Izinyanga ezimbalwa zokuqala zesizini yesihlanu kumele okungenani sibe nababukeli abangu-11 million. Kumele kwenzeke, ngijabule.”
Uhalalisele ozakwabo wathi basazowola izindondo.
UGugu Gumede onguMaMlambo, uthe ngesikhathi beqala abantu babebabiza ngamavukana ekulingiseni. “Sibheke manje. Sasebenza ngokuzikhandla.” Umdidiyeli womdlalo uMmamitse Thibedi, uthe ukuba nababukeli abangu-10.2 million akusiwona umdlalo.
“Kusho ukusebenza ngokuzikhandla nokuzinikela. Ngithanda ukunibonga (esho abalingisi). Abasebenzi bayamangalisa. Sisebenza izinsuku eziyisithupha ngesonto, amahora angu-12 ngosuku. Emvuleni, othulini nasebumnyameni bahlale bekhona bephila futhi bayawazi umsebenzi. Banethalente eliyisimanga.”
Ubonge ababukeli wathi bangabantu abamnyama asebexoxa izindaba zabo futhi bazemukela kahle. Kulo mcimbi bekunabalingisi okunguMasoja “Nkunzi” Msiza, Baby “Gabisile” Cele-Maloka, Simphiwe “Sbu” Majozi, Ntokozo “Mastermind” Dlamini, Nocxy “Thobile” Mabika nabanye. Kunandise iDistruction
Boyz, DJ Tira noTipcee. AKAZISOLI OPHIKISE IZIFUNGO ZOMSHADO
Mbongi Dlamini: Vele usuke ungaphoqiwe ezifungweni, usho lokho ozokumela kusasa kodwa okukaNyambose izinto abezenza ziyangisolisa engathi besekuhambisana namankwebevu.
Msizi Richard: Abantu badinwa yini ngoba lo muntu ubekhuluma okuzohambisana nenhliziyo yakhe, usebenzise imali yakhe futhi kusho ukuthi bebezojabula ukuba ubekhuluma amanga wodwa.
Malencane Nkunzebomvu Mkhize: Ngiyavuma kona indlela akade enza ngayo kade isinehaba. Kwenziwelani kona, ufunge amanga ashiwo umfundisi? UPHUME NGEBHEYILI UJALI EMVA KOKUBOSHWA
Bhambatha Ka Mancinza: Wayengeke alunge lo phesheya uma esahlulwa izinkamba ngalolu hlobo, kodwa ke ayidingi thina le ndaba ngoba akaphuzanga emsebenzi.
Mbongi Dlamini: Kanti unenhliziyo encane nasendlini, bengithi isenkundleni kuphela kodwa nabo utshwala bunomthelela. ISABC IHLELA UKUNCIPHISA ABASEBENZI
Ntuthuko Zethembe Zondi: Iyaxaka le nto yakwaSABC. Bathi lokho kuzosiza ekongeni imali kusiza ngani ngoba abazodilizwa bahola oR7 000 kodwa kunezikhulu ezihola oR1 million.
Dumi Mngoma: Sinyukile nesibalo sabantu abangasebenzi. Bakwethu asivotele enye inhlangano ke sibone ukuthi ingenzanjani.